[أبـو صـالـح]

السلام عليكم ورحمة الله وبركاته ،،

حيّ الله الجميع ،، كلٍ بإسمه ،، أنا الصراحة قبل فترة نويت أشتري طيور ،،
وكنت محتار إيش آخذ ،، وقررت آخذ لي كوكاتيل ،، وبالفعل لقيت جوز حلوين مرّة ،، من النوع (الرمادي)

وأنا يوم آخذهم من المحل كانوا يصفرون ومبسوطين مرة ،، لكن بعد ما رحت للبيت حسيت أنهم مرة زعلانين وخايفين

ولا أكلوا ولا شربوا ولا شيء ،، لمدّة يوم كآمل ،، أنا الحقيقة حسيت أنهم حاسين بالوحدة والملل والخوف

وأروح من بكرة وأشتري لعيونهم جوز ثاني كوكاتيل من النوع (الأبيض) ، وسبحان الله من أول ما دخلت البيت وكان بيدي القفص اللي فيه الطيور الجديدة وصاروا كلهن يصفرون

يمكن يتكلمون فيني ويسبونني ميخالف أنا أهم شي أحس أنه فيهم حياة

وحتى على طول الجوز الرمادي قام ياكل ،،

لكن هالحين أنا اواجه اكثر من مشكلة ،، وراح أحطها على شكل نقاط علشان يسهل عليكم أنكم تفيدوني يا أهل الخبرة :-

1- الجوز الأبيض فيه واحد منهم حجمه كبير ! وأحس أنه من كثر ما ياكل أنتفخ والمسكين الثاني مرة ضعيف وقليل يآكل


2- خوّآفين منّي لدرجة أنو حتى إذا جيت أحط لهم الحبوب وأغير الماي إمّا يتجهزون أنهم يعضّوني ولا يتعلقون في طرف القفص من الجهة الثاني ويصرخون


3- الرمادي نفس القضيّة واحد دبّا والثاني مرّرّرّرّة ضعيف ،


4- يخافون منّي لدرجة مو طبيعيه حتّى إذا جيت أغير لهم ولا قربت أتفرج عليهم ،، يطلّعون أصوات الظاهر من خشومهم والله مدري من وين بس كذآ أحس الصوت يطلع من الخشم وأحس فيه نبرة زعل وخوف



فيه شي مشترك بينهم ،، وهو أنّي كثير أشوف الواحد منهم يفردّ جناحه بطريقة غريبه ويمد رجله على ورى بنفس إتّجاه الجناح ! أتمنّى أني أكون وضّحت لكم الطريقة ،، وإذا تبغون لها صورة علموني أصورها لكم
يعني هل هذا مرض ولا تعبير عن الخوف بعد


أنا شريتهم أبغى يحسسوني بالحب ،، وتفاجأت بالكره منهم

هل ممكن أني أخليهم يحبّوني ..؟ وهل ممكن أعرف سبب أنه ليه واحد منهم ضعيف والثاني كبير ..؟


وشكراً لكم ،