[عروس الجليل]

بسم الله ماشاء الله عليه ..
الله يخليلك اياتو وان شاء الله يتربى بعزك,
وتسلملي كتيير عالاهداء الحلو..

المشاركة الأصلية كتبت بواسطة mohamed refat

ممكن حد يخبرنا كيف ممكن نسوى جهاز حرارى للورل ؟حتى يشعر بالدفء فى الشتاء؟

بما انو الورل من الزواحف ذوات الدم البارد ئبل ليبدا فصل الشتا بيتخبى بشي جحر ليفوت بالسبات الشتوي اللي فترتها شي نص سنه, وادا انت ما بدك تفوتو للسبات الشتوي بيكون لازم تدفيه منيح منيح وخصوصي بالليل.. وفي عدة طرق لتدفيه وانتي بتشوف اللي بيناسب..


1. اللامبه العاديه:

بالنسيه للسعر هي ارخص اشي ومتوفره وين مكان وبتعطي كمان دفى كتييير, بس انا ما بفضلها لانو هي بتسخن وادا جسم الورل قرب عليها ممكن انها تأذيه وتطزعو..

2. اللامبه الحمرا :

بيستعملوها للاقفاص الكبيره والخارجيه - متل اقفاص الدجاج - بتعطي دفى وما بتأذي جسم الورل.


3. كابل تسخين:


برايي هادا افضل اشي ادا قدرت توفرو, آمن ومغطى بعازل بتحطو عالارضيه وبتغطيه بالرمل, وهيكا الرمل بيسخن.. هو بيسخن مساحات كبيره ان كانت جوات القفص او براتو, بيجي بعدة احجام وبقوة متنوعه, بيستعملو كمان للاكفاريوم تبع السمك وللنباتات, بس ادا استعملتو ما تحطو عكل الارضيه يعني اعمل مساحه بدون تسخين اللي اتضلها بارده عنشان يكون في خيار للورل ادا سخن كتيير ينتئل لمساحه بارده..



ممكن تحطو بهايا الطريئه وتغطيه بالرمل, وهيكا بتضمن مساحه بارده كمان



وهيكا ادا كنت بدك تحطو لبرات القفص..


وادا صعب عليك ممكن انو تدفي الغرفه الموجود فيها, لانو مبين بالصور انو بغرفه مش برا..
بتمنى انو اكون اعطيتك أكمن فكره وكمان ممكن اعضاء تانيين يفيدوك..