[المري1]

اعطيك تجربتي مع طيري القديم

اول أسبوع لازم تحطه في مكان مرتفع بعيد عنك وعن أهل البيت

بعد أسبوع نزله على طاولة منخفضة حتى يتعود على أهل البيت ويعرف أنه مافي أحد يبغى أذيته وحاوول تتصرف داخل البيت وتخلي كل من في البيت يتصرفون بشكل طبيعي كأنه ماهو موجود - يعني تصور انك بين ناس اول مرة تجيهم وكلهم يشوفونك

اكيد بتشرد منهم ولا بترد مرة ثانية

وبالنسبة للتجعير ما عليك اول أسبوعين عطه الماي والاكل بنفسك ولا تخلي احد غيرك يعطيه ورح وحاول وانت في طريقك له تتكلم بطريقة حبية وتناديه باسمه
مع الوقت بيطمن لك وبيقل جعيره اول بأول

بعد أسبوعين عطه الاكل بيدك وحتى لو هو يجاعر ، وبعد لا تبعد عن القفص اذا جاعر لكن اذا سكت من الجعير ابتعد عن القفص ، هو بعد فترة بيفهم ان الجعير مايفيد لان الطير يستخدم الجعير كاسلوب للتطفيش والتهديد ، وكل ماسكت وبطل يجاعر قله شااااااااااطر او قود بوي على ماتحب

وان شاء الله بتشوف النتايج الطيبة

ولاحظ ان طريقتي هذي تقريبا مدتها 3 اسابيع الى شهر يعني الصبر الصبر ولا تستعجل