[عروس الجليل]

مبروك السلاحف يا MOONY والله يخليلك اياهن..
انا صبيه واوئات ما بتلائي ردود بمواضيعي بس ما بزعل, بتصيير وبتصير
مش شطاره انو تكون الردود عالموضوع بعشرين صفحه, المهم توصل وتوخد اللي بدك اياتو......

المشاركة الأصلية كتبت بواسطة MOONY

س1 / هل اقدر املي الماء .. يعني احط مويه كثييير ؟ عادي ؟

احسن تمليه مي كتيير, السلحفاه المائيه بتحب تغوص وتسبح هي ما بتغرق, بس حطلها شي رف طافي او حجر ليطلعو من المي عليه.

المشاركة الأصلية كتبت بواسطة MOONY

س2/ وهل تعيش يوم او يومان بدون ماااء ؟

هي بتعيش بس بيصير عندها شوي جفاف بالدرع ( بيصير لونو عبياض), احسن يضلو رطب, وادا اضطريت تخليها بدون مي امسحها بشي منشفه رطبه لترطبها.

المشاركة الأصلية كتبت بواسطة MOONY

س3/ وهل تعيش يوم او يومان بدون آكل ؟

كمان بتعيش بس مش منيح اكتر من هيكا, وبشكل طبيعي السلاحف الكبيره اوئات ما بتوكل يوم يوم, بس الصغيره بشكل طبيعي كل يوم بتوكل.

المشاركة الأصلية كتبت بواسطة MOONY

س4/ وهل فعلآ هي لها رائحه ؟ ام الآكل نفسه له رائحه كرهه ؟

السلحفاه المائية ما في الها ريحه, والاكل الجاهز اللي بتطعميها اياتو الو ريحة يعني هادا عادي.
بس ادا ئصدك تسأل عنشان تعرف مصدر الريحه الكريهه كتيير اللي بتشمها من حوضهن, هي مش من الاكل ولا من السلحفاة هي من المي تبعتهن, شكلك بتطول تنو تغيرلهن المي!! لازم تغيرلهن المي كل يومين وبالايام الحاميه كل يوم كل يوم, لانو مصدر اكل السلحفاه من الحي ولمن بتوسخ وبتبول بالمي وما بتغير المي بتصير ريحتها متل الجيفه.. وهادا كمان بيضايقها

المشاركة الأصلية كتبت بواسطة MOONY

س5/ وتنصحوني فـ تربية السلاحف ام لا

تربية السلاحف المائية كتيير لذيذه, والاحلى لمن اتضلك ئاعد عئبالها وترائبها وهي تتحرك بالمي, بس انا ما كنت بختار سلاحف باحجام مختلفه, وما تنسى انو مش سهله تربيتهن لانو بدهن وئت كتيير واهتمام وعناية خاصة!