[عروس الجليل]

common garter snake هي افعى مائيه بتعيش بالمناطق الرطبه والقريبه من المي.. منتشره بشمال اميركا , واللي بيميزها الخطوط الصفرا/ حمرا اللي عطول جسمها.. , هي غير سامه وكتار يلي بيربوها وانا تعاملت معها وكتيير لذيذه

بعد مينتهي فصل الشتا بتفيق هايا الافاعي من سباتها العميق وبتخرج بشكل جماعي من مخابئها.. موسم التزاوج اجا, والطبيعي بيئول انو طقوس التزاوج - المغازله - بتكون بين اثنين; الذكر بدو يفوز بالانثى ليزاوجها!
بس عند هايا الافاعي موجوده بحياتها الجنسيه ظاهرة طبيعية غير عاديه ( بالطبيعه مش بالمربى) هي "كرة التزاوج" اللي بيكون فيها طقوس جماعيه ومنافسه بين كثير من الذكور بنفس الوئت عانثى وحده, بيلتفو كلياتهن عبعضهن عشكل كرة وبيبلشو بالطقوس... وبعد متختار الانثى الذكر من بين " المجموعه" بيزاوجها والبائي بيتركو الكره بثقه.. وبيروحو لكرة تزاوج تانيه بلكي اجا دور كل واحد فيهن!

بتركو مع الصور
.
.
.
.
.

"كرة التزاوج".. كلها ذكور والانثى "المطلوبه" موجوده بنص الصوره, حجمها بيكون تلات اضعاف حجم الذكر!!








حركه الافاعي بدون توقف, زحف واحتكاك بين الجلود ولعق وعض!!








عدد الذكور " المنافسين" عم بيقل..







بعد متختار الانثى الذكر , بينسحب الذكور واحد ورا التاني ليشتركو بكرة تزاوج تانيه, واللي ممكن يوصل عدد كرات التزاوج بنفس منطئتهن لعشرات..




وبالاخر ذكر واحد بيفوز بالانثى وبيتم التزاوج


.
.
.
سبحان الله!
ولله في خلقه شؤون