[rotty]

المشاركة الأصلية كتبت بواسطة ثويمر

اهلين اخوي روتي
بس احب اوضح نقطه انو القط فتره التزاوج طباعه مختلفه كليآ عن الكلب .... متعب مره ويسبب مشاكل
بعدين ترى القطط المخصيه عندها مناعه اكثر من القطط الغير مخصيه وعمرها الافتراضي أطول من الغير مخصيه
والدراسات اثبتت انو العمليه لها منافع كثيره... انا زمان كنت أتألم لوضع القط المخصي وبعد ماحاولت أتثقف عن الموضوع صار عندي قناعه انو في صالح القط وكلنا طبعا نبي مصلحه حيواناتنا الأليفه ....

بالنسبه للكلاب انا من خبرتي القصيره وتجربتي فتره تزاوجها وتصرفاتها ماتقارن بالقطط ...
وزي مانت عارف اخوي روتي انا عندي قطط وكلاب و ماواجهت هذي المشكله مع الكلاب بس القط الذكر مأساه.

الله يعطيكم العافيه وبس حبيت اشارك في الموضوع و هذا فقط رأي خاص من خلال تجربه .
وانشالله نستفيد منكم
بالتوفيق

اهليييييييييين حبيبي و اخوي ثويمر مرحبا فيك هلا و غلا
كلامك على العين والراس اخوي ولا نزود عليه شي
بس لو قريت كلامي بتمعن
يمكن توضح لك الصوره
انا اقول هذولي الكائنات و انا اخوك ما يجوز انه نلعب في خلقتهم .. يعني ليه تحرمه من غريزه الله انعم عليه فيها!!
و بعدين اسمح لي وش الأزعاج اللي يسويه غير النيو و التبويل اعزكم الله ..!!
وش اقول على الكلب اللي اكبر منه حجم و اغلظ منه تصرف !!
بعدين يا خوي ثويمر ربي يسلمك هذي مو بس على قطو او كلب .. لا حبيبي انا اقصد اي حيوان يربيه الشخص!!
اذا انت مو قد التربيه ليه تجيب عندك جيوان و تخصيه و تعذبه !! ممكن الحيوان ما يتكلم .. بس يحس و انت كمان تحس ..!! وبعدين تقوى مناعته و انت اصلآ حرمته من شي اساسي فيه ..!!!!!
وجهة نظر حبيبي .. بس اللي برجع اقوله انه حرااااااااااااااااااااام ولا يجوز شرعآ هالعمليات غير اللي اصلآ يصدر منها من طباع ..
مع احترامي لك اخوي و تجربتك ..
مو شرط انه اذا ربيت شي تكون عارف فيه ميه في الميه
ارجو انك تتقبل كلامي بصدر رحب .. ولا تنسى مو عدنا الأسبوع القادم
هذي برضو وجهة نظري
سلام