[فخر الدين]

اخي ضاحي اخر كلام عندي قلته وانا اقسم بالله ومره كمان اقسم بالله وده مش تحدي لا سمح الله لاني واثق انك غاوي وغاوي مجتهد كمان لكن واضح انه عندك بس معلومات خطا عرفتها عن كلب انا على ثقه من معرفتي بيه ورايته الاف المرات واعرف مزارع كامله يا اخي بتربيه وذكرت اماكنها واخر حاجه عندي لو عايز تتفرج عليه على الطبيعه تروح على العنوان ده 133 شارع النزهه بجوار بنك مصر ميدان سانت فاتيما .
اسال عن محل نجيب للحيوانات وهوا داخل شقه في دور ارضي بعماره ادخل اتفرج على ارمنت اصلي هناك ومصدره احدى المزارع اللي ذكرتها من قبل في مشاركاتي وحتلاقيه نفس الكلب الاسود اللي في الصوره اما الكلب اللي في الصوره بتاعتك انت الاصفر ده فلا يمت للارمنت بصله وان كان شعره طويل سنه فبردو مش شرط ولا في اللون ده اصلا في الارمنت .
ويا اخي لابد ان تعلم ان مش كل كلب في مدينه قنا ماشي في الشارع نوعه ارمنت الارمنت ناس قليله جدا في قنا احتفظت بيه وكترت من سلالته واكبر مزارع له مش في قنا بل في الوجه البحري من اول مدينه كفر شكر بعد بنها .

واكتر من كده كلام تاني مش حكتب والا حيبقى اسمها سفسطه .

لك احترامي وتحياتي اخي ضاحي .

اخوك فخر الدين