[kuwaitia]

اخر جوله تسوقيه لي شريت انواع من الدراي والمعلبات

جربت انواع يديده من فانسي فيست اللي تصير معاها غريفي لان بيكي ما تحب اللي فيها جلي... المشكله انها تشرب المرق وتخلي اللحم ما ادري شقصتها

وشريت انواع يديده من فيلكس ... نفس الحركه تخلي الاكل وتشرب المرق

شريت بوني اللي على لحم لانها ما قربت صوب الدياي بس للحين ما جربته

وطبعا انواع اللي متعوده عليها


من الدراي فود

ناين لايفز حبته بس مو وايد كان بنكها البيض والسمج اعتقد

وشريت لها ميو مكس هيربول كنترول... شمته وكلت شوي وما ردت كلت منه مره ثانيه

وشريت لها ون من بورينا ... نفس الشي ما كلت منه وايد شوي بس ... الحلو فيه انه مكون من تيركي والرز الاسمر ومكتوب انه ما يحتاج اي فيتامينات زياده لان كلشي فيه

ودام اني وصلت لي بورينا ابي اكتب لكم تجربتي فيها... كات شو الاخضر بيكي تموت عليه لازم تخلص صحنها اذا حطيته بس انا لاحظت انها من تاكله تصيرر جنها مينونه بس تراكض بسبب ومن غير سبب وتناقز وتطامر وتشمخ اي احد يقرب منها ... عاد انا واختي نقعد نلعبها وايد عشان تطلع طاقتها بس هم ماكو فايده ....عشان جذي قلت ابي اغير لها... بس للحين ما طحت على ماركه تحبها كثر كات شو

للحين اللي يي في المركز الثاني فريسكيز اللي الوردي اللي يكون خلطه دواجن (( جنه كبد ودياي وتيركي))


هالمره ما صورتهم اذا رديت البيت وصورتهم بحط لكم الصور