[Withered Rose]

و عليكم السلام هلا PUNISHER

1_متى احسن عمر للهامستر للتزاوج ((بأي شهر))؟؟؟؟؟؟؟؟

ممكن يصير إنتاج بعمر الشهر إلى السنه و لكن أفضل عمر بالنسبه للأنثى من 4 أشهر إلى 8 أشهر ..

_من الطبيعي ان الهامستر الانثة تولد ذكور اكثر من اناث ولا عادي مرة جذي و مرة جذي

لا .. مو شرط و في معلومة يمكن تنفعك لما تكون الحرارة نازله يتم إنتاج الذكور و العكس صحيح بالنسبه للهامستر القزم بأنواعة ..

3_اذا زوجت هامستر روسي كامبلس بهامستر روسي ونتر وايت ليش يطلعون الاطفال مشوهين؟؟و كل مرة يطلعون مشوهين؟؟يعني لازم؟؟ و كلهم ولا بعظهم؟؟ولا مرة كلهم و مرة بعظهم؟؟؟؟؟؟؟

لا مو شرط يطلعون مشوهين او ينفقون بعد الولاده و لكن ممكن يكون فيهم مشاكل غير مرئيه أو نقص بالمناعه تخليهم عرضة للأمراض ..

_في هامستر بني فاتح و عيونه حمر ......مرة سألت عنه و عن نوعه قالولي بالمنتدى انه روسي من نوع الكامبلس.......يصير اخليه يتزاوج معه الكامبلس الرمادي ((العادي ..المعروف))

يمكن يكون الرمادي كامبلس بعد .. لأنه يشمل هذا اللون و إذا تحط لنا صورته عشان نعرف إذا كامبلس او ونتر وايت أفضل ..

5_اذا كان الهامستر عايش بالرمل ((يعني عيشته العادية القبلية ))) ليش انحطله نشارة خشب ما نحطله رمل ؟؟؟؟؟؟؟

الهامستر السوري هو اللي يعيش بالصحاري و ممكن يتأقلم مع الرمل و لكن الهامسترات القزمه أفضل شي لها النشاره ..