|
رد: في رايكم هل الذكر ريكو جاهز - بالفيديو - ؟
اقتباس:
المشاركة الأصلية كتبت بواسطة Besa
السلام عليكم
للأسف اللي بقولو صعب شوية
الدكر فيه فطريات وجدري أو عنقز
لازم تعزلي الدكر فوراً ونبدأ علاج بدون مماطلة وخوف
ركزي معايا حتجيبي إبرة تسخنيها عالنار عشان تعقيميها
بعدين تخلي أحد يثبتلك الدكر
والحبوب المليانه بقيح وبارزة حتفقعيها بالإبرة وتخرجي العصارة منها
معليش أعرف اللي حتقوليه بس لازم تساعديه وتعالجيه
بعدين تجيبي البيتادين المعقم وتمسحي على الحبة وعلى الأماكن المصابة
مافي حاجة تانية تسويها والإبرة ضد الجدري تكون قبل الإصابة موبعدها
نيجي للفطريات نمسح بالبيتادين الفطريات بعيد عن العيون وفتحات التنفس
وبعدين نمسح بالفازلين طبقة تمنع الهواء عن الفطريات وعشان ماتنتشر
وإهتمي بالنظافة والأكل الدكر حيمر بوقت صعب وكل مالو حيصعب ومع الوقت حيفقد شهيتو
عشان كدا محتاج مخزون يقويه وإلا للأسف ماحيقدر يقاوم المرض
بخصوص الأنثى غسلي قفصها بكل محتوياتو كويس وعقميه الفطريات والجدري معديه
كمان ملاحظة لوإنتي ماجاكي العنقز إبعدي عنو لأنو معدي حتى للإنسان
وقتها شوفي أي شخص يسوي خطوات العلاج وماتتسأهلي فيه زي الفطريات
الجدري مميت ومع الوقت حتشوفي دم ينزل من الطائر وأتمنى مايوصل للمرحلة دي
أقولك كدا عشان ماتستهيني فيه نهائي
وأرجع وأكرر آسفي أدري كلامي صعب وكان صعب عليا أكتبو بس كان لازم أقولك
دعواتي لطائرك بالشفاء العاجل
|
شكرا لك على المتابعة و جزاك الله كل خير
بما ان الامر اخطر مما كنت اتصور ساحاول اخذه غذا الى بيطرى لانني لا اريد المجازفة و أخاف ان اؤذيه خطأ.. مع انني عندي تجارب غير موفقة مع البياطرة سابقا عندما كنت اربي القطط.
في هذه الاثناء قمت بدهن مرهم الفاسلين و وضعت بعض البيتادين حول الكير و المنقار
و اليك بعض الصور المقربة.. هذه المرة أخذتها قبل وضع المرهم حتى تكون اكثر وضوح و اقرب للحالة الحقيقية
شكرا لك اختي Bessa على المجهود اللذي تقومين به معي و مع باقي الاعضاء للاجابة على استفساراتنا في اقرب الاوقات.. ربي يعاونك.
|