وعليكم السلام ورحمة الله وبركاته
شوفي لو العدائية توصل لمرحلة الإصابات اللي سويتيه هوا الصح
في دي الحالة إستبدلي الأنثى
لأنو مزاجيتها وعدائيتها راح تتعبك وتخليكي تخسري دكور
بس لوكانت مجرد شجارات نصيحتي تخليهم سوا مع المراقبة
أنا عندي زوج نفس الزوج اللي عندك
الأنثى على طول تهاجم الدكر ونفس الطريقة اللي وصفتيها
يكون على المجثم وتخليه يطيح للأرضية
وساعات تلاحقو لزاوية القفص وتكمل عليه تحسيها كدا مصارعة حره
بس الحمدلله بدون إصابات ودا اللي خلاني أصبر عليها وأراقبهم
بعدها لقيتها حاضنه بيض كيف ومتى مدري ههههههه
وبعد مافقست آخر بيضة صارت اهدأ عن قبل
وتسمح للدكر يقرب منهم ومنها صح تيجيها الحالة وتتجنن وترجع لمزاجيتها ومشاكلها
بس بالشيء المقبول موزي قبل في فترة التزاوج عنيفه مرا
وأتوقع الأنثى اللي عندك في فترة تزاوج لا تستعجلي عليها ولا تشيلي البياضة
وأعطيها فرصة ووقت وإن شاءالله حتبشرينا قريب بالبيض والفروخ من بعدو