مشكلة فرخ البادجي لدي لايرغب بالإعتماد على نفسه
السلام عليكم ورحمة الله وبركاته
عندي 3فروخ بادجي صغيره اخوه واحد عمره يمكن35يوم تقريباً والثاني 34تقريباً والثالث عمره ٣٣تقريباً
وكنت أغرهم إلين ماكملوا شهر كلهم ماشاء الله
الكبير مو راضي يعتمد على نفسه أبدا بس معتمد عليا ولا يعرف يلقط الحبوب أو يقشرها وموراضي يطالع فيها أصلاً (مومعتبرها غذاء) لا بس يبغاني أغره طول الوقت!
المشكله إنه الفرخ الصغير مرره مايبغاني أغره طول الوقت عالحبوب ياكل منها ويقشره ماشاء الله والفرخ الوسط وسط مره عالحبوب ومره عالغر لكن مستغربه من الكبير اللي هوه ذحين أكبرهم ولسا مايعرف للحبوب!
إيش الحل لهذي المشكله؟ ومتى على الأقل يعطي الحبوب وجه؟ هههههه
لأن اللي يشوفه يقول إنه لسا صغير مايعرف ياكل وهوه حتى الطيران تعلم له وصار يطير ماشاء الله إلا الحبوب لسا مايعرفلها مايعرف غير للغر حتى قدمتله خلطة البيض المجفف بالفواكه اللي تجي جاهزه معلبه مو راضي ياكلها جبتله الخبز الجاف بعد الطحن موراضي ياكلها بليتها بالماء برضوا موراضي ياكل! يعني كأنه يقول غير الغر لاتقدميلي!ههههه
جربت قلت أقلل من غري له لعل الجوع يعلمه الإعتماد على النفس ويخليه على الأقل يحاول يلقط الحبوب لكن دون فائده بالعكس أحسه ضعف عن أول!
متى يعتمد على نفسه وإيش الشئ اللي يساعده في الإعتماد على نفسه؟
رجاء المساعده وشكراً
|