|
رد: مين الأنثى ومين الذكر ؟؟
عادي شيء طبيعي
بس مع الوقت حيبدأ يصير توالف
ولا تركب البياضة أو العش دحين
في كم نقطة حقولك هيه بإختصار بس ضروري تعرفها
ركب عظمة الحبار في القفص موجودة في محلات الطيور
ونوع الأكل لطيورك من حبوب وفواكة وخضار وبيض بالبقسماط وعيش مبلول
ضروري تشوف مواضيع الأكل في ملاحظات ضروري تنتبهلها عشان ماتمرض طيورك بدل ماتستفيد
وكمان جيب فيتامين برضو موجود في المحلات 5 نقط في المشربية كل 5 أيام
وأهم شيء تهتم بنظافة القفص والطيور عشان مايمرضوا أو تجيهم حشرات من فاش وغيرو
وأرضية القفص لازم يكون فيها زي الشبك يفصل الطيور عن فضلاتها الله يكرمك
تحط الطيور في مكان ثابت وهدا حيفيدك في الترويض والتزاوج
ويكون جيد التهوية بعيد عن التكييف أو الشمس المباشرة
وكمان بعيد عن الغبار والروائح الغريبة والحشرات زي النمل والعناكب أو من حيوانات زي الفيران أو الغربان
هدا مختصر مواضيع خاصة في تربية البادجي وفيك تستعين بالمنتدى كمرجع لك تستفيد ويساعدك في التربية
وبالتوفيق لك
__________________
سبحــان الله وبحمده سبحــان الله العظيم
شكراً " رونق حجازيه " على التصاميم الحلوة ♡♡
|