[Tagreed]

قبل يوم وكم ساعة تقريباً قطتي ولدت وكل اللي جابته قط صغير لطيف واحد. عمرها تقريباً اربع سنين فارسية وهذي اول ولادة لها.

الولادة كانت ماشية بسلاسة وسهولة الحمدلله وبس وصل النونو نظفته ورضعته وسايرة تاكل وتخرج تتمشى وتنام وكل شي طبيعي.

بس اللي قالقني ان ايش يعرفني ان مافي اجنه صغيرة لسه باقيه في بطنها؟ حاولت امسك بطنها كم مره بس ماعندي فكرة فيه, شوية ترهل واضح انه من اثار الحمل وكله بس صراحة نسيت كيف كان بطنها قبل الحمل عشان اقدر اقارن اذا كبير او لا (لأن شعرها طويل).

ابغى اوديها البيطري عشان اتأكد 100% واطمن قلبي المشغول بس المشكلة اني مارح اقدر اخليها تترك الكيتن حقها خصوصاً ذحين لو تركته دقيقة وحدة بس يكسسر البيت على روسنا يبغى ماما

فبليز يعني احتاج اعرف كيف اعرف ان ممكن تكون في مشكلة وتحتاج تدخل سريع من البيطري بما ان خبرتي صفر في حمل وولادة القطط.

وشكراً.