[تووتـي0510]

السلام عليكم ورحمة الله وبركاته


عندي الانثى ماشاء الله من 9 ايام حطت اربع بيضات وقبل شوي لقيت حشره مثل الدوده تمشي على جدار الباب الخلفي لصندوق العش ورميتها بسرعه ودورت من برا الصندوق مالقيت شيء غيرها
فأريد من اصحاب الخبره اللي مرت عليهم مشاكل الحشرات بالاعشاش تمييز الحشره هل اهي من الحشرات اللي تسبب مشاكل للطيور والفروخ والا لا ؟

لانه يمكن تكون صدفه موجوده ويمكن تكون من الحشرات اللي تضر الطيور

عشان اشيل البيض واتخلص من نشارة الخشب اللي موجوده بالعش .


.....

وبعد عندي بيضه انكسرت شوي كأنه فيها ثقبين لاكن مو مفتوحين يمكن الهوا يدخل فيها مااعرف

قبل فحصتها شفت فيها بدايه شراين والحين مو مبينين لما افحصها جبت قشر بيض حمام وكسرته على مقاس الكسر وغطيته فيه ومسحت عليه بطحين مخلوط بماء لين تماسكت القشر على البيضه


والانثى اذا حضنت البيض تحضنهم كلهم ماشاء الله حتى انها تعبانه وقطعت ريش بطنها كله والذكر قاهرني نادرا يحضنهم كلهم اكثر شي ياخذ بيضه او بيضتين ويترك الباقي


.