[فاتـــو]

عبق الياسمين اشكرك على هذا التصرف والله يجعله بميزان حسناتك

انتي مو عاجره ابدا باللي سويتيه - العاجز هو اللي يشوف هذا المنظر ومايتجرأ يفكر انه يشتريه

القط واضح من الصور مو تعبان داخليا لكن لامانع من الفحص عند الطبيب ان امكن

اعتقد كل المشاكل جلديه وسطحيه

حطي صوره للأذن من الداخل نشوف هل هذا عث ام شي اخر

شوفي لو فيه بقع خاليه من الشعر


ضروري تشوفين حاله البراز كيف واذا له رائحة سيئه

هذا شيرازي هاف بيكي درجة اللون رووعة هذا النوع مكتوب عليه الشقاء بالمحلات بسبب شكله الجميل

مو ضروري تحلقين شعره كله المهم تتخلصين من الكتل

الاكل يكون مسلوق خضار لحوم وعطيه حليب يوميا اعتقد انه ما اخذ نصيبه من الكاليسيوم