[تووتـي0510]

السلام عليكم ورحمة الله وبركاته

انا عندي مشكله دائمه مع مصائد القطط احنا في بيتنا عند اخوي طيور حمام اعداد كبيره ماشاء الله ومن ياكل اي قطو حمامه وحده يعصب ويدق للشركه اللي تصيد قطط تجيب مصيده وفي البدايه كانو يمسكون كثير حتى مره تفاجأنى بقط ابيض ماشالله تبارك الرحمن وعيونه حلوه ماانساها وضخم حتى عمال اللي بالشركه انصدمو من حجمه ومن بعدها صرت انا كل مايجيبون مصيده اطلع الفجر قبل الاذان للحوش وافك القطط وارجع انام واخوي يهاوشني وانا ماعندي مشكله حتى مستعده اتضارب عنده ولا اخليه يمسك قطو واحد .. لاكن الحين امي زعلانه ماتبيني اتضارب عند اخوي وفي البيت كلهم معصبين مني ليش اهرب القطط لانهم يبون الفكه منهم والحين مهدديني انهم يحرموني طيوري ببغاواتي اذا هربت القطط وانا ما اريد ازعل امي بضرابتي مع اخواني ولا اريد اخسر طيوري ولا اريد تنمسك القطط

لانه حرام تنمسك الام ويموتون صغارها جوع
ولا اعرف وين يودونهم مره قالو لي يودونهم محميه يسون لهم عمليات عشان مايتكاثرون ويفكونم بالمحميات انا ماصدقتهم الله يعلم يمكن يموتونهم ..



فأتمنى تساعدوني بأفكار اقدر اخلي المصيده ماتتسكر على القط من دون مااحد يلاحظني ومن دوم مااخرب المصيده

هذه صوره تبين نوع المصيده





انا احب القطط لاكن مااقدر اربيهم في البيت لانه الكل مايرضى

عشان كذا بس اكتفي بتهريبهم وامنع محاولات امساكهم