[fatemah]

السلام عليكم،

التبول خارج الليتر بوكس سلوك غير طبيعي في القطط وله اسباب، اما نفسيه أو صحية أو الليتر بوكس مو عاجبها، أو كلهم مع بعض،

أول شيء تسوينه تاخذينها عالبيطري يسوي لها الفحوصات اللازمه للمشاكل اللي ممكن تسبب التبول خارج الليتر بوكس، مثل التهابات الجهاز البولي، مرض السكري.. والخ، الأفضل تتكلمين فيها مع البيطري

بعد ما تفحصينها، اذا طلع عندها مشكله صحيه فالبيطري راح يعطيك العلاجات اللازمة أو الحلول، إذا صار ما فيها شي يعني المشكله نفسيه.

ثاني شي تسوينه وهو أهم شيء انك تسوين لها عملية تعقيم، التوتر المصاحب لطلب التزاوج يؤثر بنفسيات القطط وهو اللي يخليها تحاول تهرب، التعقيم بيريحها نفسياً ومفيد لها صحياً، وتركها بدون تعقيم يخليها عرضه للبايوميترا (التهاب خطير بالرحم)،

الحبس والمعاقبه تخرب نفسيتها زيادة وبذلك تزيد المشكلة، القطط ما عندها مفهوم المعاقبة، لذلك لما تحبسينها او تعاقبينها هي ما تدري انه عقاب هي تحسبه انك سويتي هالشي بس عشان تبين تسوينه، لذلك بيضيق صدرها زيادة، العقاب مستحيل يحل المشكله وبيزيدها سوء

وبالنسبه لليتر بوكس، ضروري يكون كبير، يتنظف يومياً (الافضل استخدام الرمل المتكتل لأنه بسهوله تشيلين التكتلات يومياً) ويتوفر أكثر من ليتر بوكس واحد (عدد البوكسات المفروض يصير بعدد القطط الموجودة بالبيت + واحد زيادة) واذا الليتر بوكس قديم غيريه لزن القديم بتمخش ويجمع الروائح وما يشجع القطه لاستخدامه

بالنسبه للشهية برضو ممكن يصير بسبب مشكلة صحية، اسألي البيطري، اذا صار ما فيها شي فممكن يرجع لأنك ما عقمتيها، بعد التعقيم بتنفتح شهيتها ان شاء الله