[tamer shawky]

السلام عليكم يا اخوانى و اخواتى ..

هناك بعض الامراض و المشاكل فى طيور الكوكتيل فارجوا معرفة بعض الاجابات و المساعدة من فضلكم ..

اول كوكتيل عندة المشكلة الاتية .. ان عندة فى رجل و هى الرجل الشمال بتاعتة ( اى الرجل اليمين لو انت بتنظر للطير وجهة لوجهة ) تلاقيها و هو واقف على المجثم مش واقفة مستقيمة لا تلاقيها معوجوة وواقفة فوق الرجل التانية ... ارجوا انكم تكونوا فهمتونى انا بقصد اية ... و لما تشوفوا الصور حتفهمونى اكتر ...

1- ما هو هذا المرض ؟؟
2- كيفية العلاج ؟؟
3- هل هو معدى ؟؟؟ انا كدا كدا فاصل و حاططهم فى قفص لوحدهم ..






فى الصورة الجاية حيبان اكتر اذاى الرجل واقفة مش مستقيمة وواقفة على الرجل التانية ... و على فكرة لما بحط الطير فى القفص بتكون معوجة اكتر و واقفة اكتر فوق الرجل التانية .







و على فكرة الطير بيحرك جناحاتة الاثنين كويس جدا و بيطير بس لما يجى يقف بعد الطيران مش بيعرف يمسك كويس برجلية يمسك الاول بالرجل السليمة و بعدين الرجل التانية ..

ملحوظة ... الطير دى على حالة كدة من فترة طويلة .[/B]


على فكرة انا لما بمسك الطير بالشكل دى و بحط صوبع ايدى تحت رجلة بجد انة بيمسك بصوابعة كويس يعنى مش مكسورة .. طيب لية معوجة كدة ؟؟




المرض الثانى

عند عين الطائر فى الجلد الرفيع جدا عامل كيس و منفوخ حولين العين ( المرض فى عين واحدة فقط ) و انا مش عارف الكيس منفوخ هواء ام ماء ..

ملحوظة ... الطير كان كويس لما خرج من البيضة لمدة شهرين او شهر و نصف و بعدين جالة المرض دى .

1- ما هو هذا المرض ؟
2- كيفية العلاج ؟؟
3- اكيد معدى طبعا .. انا كدة كدة فاصلة لوحدة ..