استفسار عن عزل الازواج
السلام عليكم
عندى جوز كوكتيل كانت النتاية اللى مع الذكر طارت وجبتله نتايه جديدة من حوالى شهر والمفرض انهم توالفو لانهم ساعات كانو بيدخلو البياضة مع بعض ومرة واحدة فقط شفت الذكر بيكسر الانثى من حوالى اسبوعين بس حاليا بقالى فترة حاسس انهم مش طايقين بعض يعنى مبيفلوش بعض خالص وساعات وهما واقفين جنب بعض لو واحد فيهم خبط فى التانى يفضلو يتخانقو لكن مناوشات خفيفه فقط عبارة عن فتح المنقار وصوت فحيح وممكن خبط خفيف بس من غير عض ولا حاجة ومشفتش الذكر بيكسر خالص من ساعتها فهل اعزلهم وارجعهم لبعض تانى؟
السؤال الثانى عن العزل ايه هى فايدته هل يسرع عمليه الانتاج فى الازواج المتوالفه ولا يستخدم فقط مع الازواج الغير متوالفة ولا ايه بالظبت؟ وايه هى الطريقة الصحيحه للعزل لانى سمعت اكثر من رأى احدهم يقول بأنهم يكونو شايفين بعض فى اقفاص منفصله ورأى اخر انهم مايكونوش شايفين بعض يكونو سامعين صوت بعض بس فما هو الصحيح؟
واسف على الاطاله
|