|
رد: السلام عليكم ورحمه الله وبركاته
وعليكم السلام ورحمة الله وبركاته
حياك الله اخي العزيز بندر
كل الحمام فيه الطيب وفيه التعبان وتكون من نفس السلاله
واسعار التيدي تبداء من 500 ريال الى 2500 اذا ماهو ازود
والحمام الطيار ياعزيزي
يحتاج منك مجهود وشغل كثير
يحتاج انك تنظم لهم وقت الاكل وبكميات معلومه
وتحرص على تنظف العشه من بقايا الاكل
النظافه العامه للعشه ونظافة مياه الشرب وتغييرها باستمرار
الحرص على اوقات تدريب الحمام على الطيران
والطير اذا جبته وصكيت عليه في العشه راح يتكاسل
ويبطل يطير
اخوي بندر اجيبها لك من الاخر
اذا ماعندك خبره في الحمام الطيار والحمام القلاب
خذها مني نصيحه
لاتشتري حمام غالي صدقني راح تتعب معاه وراح تخسره
حاول تعرف هاوي يربي هذي الانواع
واطلب منه بانك حاب تكون معاه من اجل تتعلم وتستفيد من خبرته
في تربية ورعاية وتدريب الحمام الطيار
اخوي بندر
اذا حبيت تشتري حمام تيدي
شوف عين الحمامه هذي
وهيا تدل على اصالة هذا الطير وقوته
اسف اخواني على الاطاله لكن كل هذا لاجل
مايخسر هاوي جديد مجهود ووقت ومال لعدم امتلاكه للممارسه والخبره
واتمنى لك التوفيق بأذن الله
|