اقتباس:
المشاركة الأصلية كتبت بواسطة ابو عبدالله3
اهلا اخوي بروف ..
اخوي دخلت على الزوج قبل كم يوم ولاحظت على الارض ريش منتوف والريش حوالي 20 ريشه.. فماهو السبب!! ..
واخوي الزوج له عندي فتره اكثر من 3 اشهر واراقبهم بالكاميرا وما لاحظت توالف بين الزوجين الا مره وحده شفتهم يأكلون بعض .. فهل تنصحني اغير الزوج ولا اخليه .. لاني اخاف يصير الزوج غير متوالف على بعض ويروح جهدي على غير فايده
والاحظ على الزوج كثرة دخوله للبياضه واذا دخلت عليه اغير الاكل ما يطلع الا بعد ساعتين تقريبا .. فهل هو خوف او غير اطمئنان بالمكان او طبيعي ..
والزوج عطيته كم مره فواكه وخضار ولا كلها !!! .. وش اسوي به
واخوي عندي ببغاء اربيه عندي وبعض الاحيان الاحظ انهم يصفرون لبعض يصفر ويصفرون واحيانا الساعه 12 فالليل يصفر ويصفرون له .. فهل الامر طبيعي 
والكاميرا اللي في البياضه ماقدرت اطلعها
جزااك الله خير ع جهودك .. ومعليش ع كثر الكلام |
حياك الله يابو عبدالله
جزئيه الريش صعب الحكم هل تغيير او غير ذلك الا بصور حتى مايكون الحكم عشوائي
بخصوص التوالف اذا ماكان التأكيل بهزهزه { تلقيم الطيور اكل لبعضهم }
فهذا يعتبر توالف اما اذا المناقير ببعض ف كلام ثاني
الزوج متوتر يا ابو عبدالله هذا المؤكد والدليل خروجه بعد ساعتين من خروجك من الغرفه
الطبيعي الزوج يعرف بأنك خرجت من الغرفه ولا يستغرق خروجه الا دقايق بسيطه
غير مكان الزوج بالغرفه مثلا اذا كان عند الباب او مقابل لك غير مكانه لجهه أبعد
وراقب سلوكه بعد تغيير مكانه بالكاميرا إذا إيجابي عكس السابق فالحمدلله
أنصحك بتعويد الطيور ع صوت معين قبل دخولك مثل طق الباب و 5 ثواني وادخل
بهالطريقه الزوج بيتعود ويكون دخوله اسهل والخوف أقل
بالنسبه للفاكهه و الخضار طبيعي ماياكلها الافريقي طير حريص
فحاول التنويع بالاكل ولا تعتمد ع الفواكه والخضار ولا تهتم طالما مااكلها
بخصوص طيرك بأذن الله مافيه ضرر طبيعي
كاميرا الصندوق اذا كانت حريص ع المراقبه لابد تضبطها وطالما موجوده انصحك فيها
وجزاك يارب و حياك بأي إستفسار مهما كثرت
موفق يارب ياكريم