[sara|]

وعليكم السلام ورحمة الله وبركاته ...


1- هل الوبر له ريحه مزعجه لو حطيته بغرفه او اصوات مزعجة ؟ , وومتى انضف قفصه ؟
انا شريت وله اكثر من شهر عندي وماله أي ريحه , ويعتمد على تنظيف القفص طبعا
انا انظفه كل يومين او ثلاثه .. اليوم اشتريت له ليتر بوكس عشان اصير انظف الليتر بوكس بس والقفص يصير كل اسبوع تقريباً


2- لو اطلعه برآ القفص ممكن انه يحدد له مكان عشآن يقضي حآجته ؟ , او بإي مكآن ؟

لو طلعته بيقضي حاجته بأقرب مكان وهذا اكثر شي ممكن يستفز لانك بتجلس تنظف بعده ,
لكن لو عندك ليتر بوكس , اذا طلعته من القفص حط الليتر بوكس قريب منه وهو بيقضي حاجته فيه ولو حصل وسواها برا تشيل فضلاته اللي يكرمك وتحطها بالبوكس مره بعد مره وبيستوعب ان هذا مكان الفضلات. وما بيسويها برا



3- هل تنضيفه وتنضيف قفصه صعب ؟
لا بسيط جداً , وتروشه مرتين بالشهر ولو مره عادي .. هو ينظف نفسه بنفسه بس الحرص واجب


4- ممكن اني اروضه واعلمه بعض الحركآت , مثلآ يجلس يقوم او انه يتربى على شخص معين ويبدآ يلحقه ؟
ايه بس يحتاج الكثير من الصبر لانه مختلف عن غيره من الحيوانات
انا من شريته وهو خواف جججداً ويكره اني اشيله او المسه .. يلحقني اذا بيدي اكل بس وغيره يهرب , اليوم رحت لنفس محل الحيوانات بشتري له اكل ولاحظت ان بعض الناس تدخل تفتح القفص وتبدا تلعب بالوبران اللي يشيل واللي يقط , واعتقد ان الوبر اللي شريته صار له موقف مشابهه عشان كذا يخاف

فـ نصيحه من وانت هناك شيله وامسح عليه وشوف كيف ردة فعله اذا يخاف لا تاخذه لانك بتتعب معه تعب مضاعف



5- لو جبت انثيين ممكن انهم يتهاوشون ؟
لو جبت اثنين يحبذ تحطهم مفصولين عن بعض لكن قراب بحيث انهم يقدرون يشوفون بعض
بعد 3 او 4 ايام حطهم مع بعض اذا مشى حالهم اوكي لو تهاوشوا فرقهم وخلهم فتره وارجع حطهم مع بعض وهكذا لين يسلكون مع بعض


6- وش أفضل نوع ممكن اخذه ؟
مالي خبره بالانواع , بس اللي شعره كثير جميل شكله


7- هل القفص يتطلب مني مكان كبير , او نوع القفص قفص عادي مربع ولا مشآبه لحق الهامستر عجله ووممرآت ؟ ,
ما ياخذ مساحه بس يعتمد على حجم القفص اللي بتشتريه وطبعا يحتاج مكان واسع شوي عشان يلعب , له قفص مختلف عن حق الهامستر ما حبيته لانه وعريض وكل ما جيت تنظف يبيلك تفكه وحوسه فـ اخذت من ايكيا بكس كبير شفاف ومفتوح من فوق وسهل بالتنطيف وسعره اوفر وبالنسبه للالعاب بتلقى خيارات كثيره بالمحل .. بس ما اعتقد ان العجله مناسبه له


8- هل يأكل إي شيء او انه له اكل محدد , وفيه نوع من الإكل ممكن يظره ولالا ؟
هو حيوان نباتي اللحوم تضره وقد تقتله ,, وطبعا جسمه مايكون فيتامين سي فـ لازم تعطيه اكل غني بفيتامين سي خس , جزر , فلفل اخضر , خيار ... عندك خيارات متعدده وتقدر تشتري فيتامين لو حاب



9- ارضية القفص وش احطهآ ؟
نشارة خشب ناعمه يبيعونها محلات الحيوانات بشعره ريال


10- وشي متطلبآته وكم تكلفتهآ كامله تقريبآ ؟
قفص , نشارة خشب , صحن للاكل , علبه للمويه ,بيت وباقي الشغلات انت مخير اذا حاب تشتريها او لا
اممممم اغراضه كلها اعتقد كلفتني قريب الـ 500 , لاني شاريه له العاب وليتر بوكس وكذا نوع اكل




موفق