|
رد: نرجو تحديد نوع الجنس كناري
يا هلا ومرحبا اخي البلبل الحزين
انشاء الله ايامك كلها فرح وماتشوف الحزن
اخوي اول شي جنس الكناري مايبين معانا عن طريق صورة يالغالي
ودام انت تقول شاريهم انثى وذكر وشايف الذكر تغريده حريقه تبارك الله ممتاز جدا
والانثى لازم تكشف عليها اخوي تمسكها وتقلبها بالعكس وتنفخ الريش من على بطنها تبين معاك لو جاهزة او لاء
واخوي خلي الانثى بقفص الانتاج جهز لها العش والخيوط
وادعمها فالبيض المسلوق والخس لين تشوفها بدت تلف العش دخل عليها الذكر وانشاء الله خلال 4 ايام تلاقيها باضت باذن الله
واما عن الذكر يالغالي لو متخوف ان الذكر مايغرد لو دخلته على الانثى شي طبيعي ياغالي
في ذكورة تغرد مع الانثى طبيعي وفي ذكورة تلاقيها خجوله اخوي ماتغرد نهائيا الا شي بسيط
وماتغرد صح الا لما تعزلها اخوي
لكن لو انت فبالك اخوي انك تنتج منها عادي يالغالي دخل الذكر وانشاء الله تشوف انتاجهم
لاكن لاتخاف تغريد الذكر انشاء الله انه يغرد مع الانثى
انشاء الله اني قدرت ان افيدك واي سؤال ابشر اخوي
بالتوفيق
|