[SBN12]

السلام عليكم ورحمه الله وبركاته


يا اخوان اتمنى تفيدوني
كوكتيلي من ثاني يوم شريته لاحظت فيه رجفه خفيفه فـ رجله اعتقدت انه يحتاج لقص اظافر
وديته عند الصيدلي عشان يقص اظافره لكن للاسف زادت الرجفه اللي فـ رجله ولما سألت الصيدلي قالي شي طبيعي وراح يروح بعد يومين لكن نفس اليوم العصر نزف الطير وصار كل القفص دم رجعته لصيدلي وحط شاش على رجله وعطاني مرهم زنيكوم حطيته عليه لمده يومين صبح ومساء لكن للاسف مافاد وسات حالته لدرجه انه صار يعض رجله لين قطع ظفره بالكامل ونزف مره ثانيه خذيته لعياده بيطريه عطاني له بخاخ و مضاد احطه فالماي ومرهم والنزيف وقف لكن الرجفه في رجله ماوقفت وللحين يعضها !!!! وانا الى الان ماعرف شنو مشكلته او ليش مش قاعد يتحسن


اتمنى تفيدوني بخبراتكم شنو ممكن يكون ف طير ؟وهل هذا شي طبيعي اللي يصير فيه ؟