|
رد: لقيت قطة واحتاج مساعدة
وعليكم السلام ورحمه الله
ياقلبى صغنتوته خالص ، جزاكى الله خير على انك خدتيها من الشارع كان زمانها حصلها حاجه
هى عمرها اقل من شهر او شهر لكن مش اكتر من شهر ابدا
ضرورى تخليها فى مكان دافى وهى مش هتعمل بيبى غير لما انتى تمسحى لياها على منطقه الاخراج
اما بخصوص الاكل هى محتاجه رضاعه هتقدرى ترضعيها ولو مرتين او تلاته فى اليوم
بجانب الاكل
لو هتقدرى ترضعيها ياريت تجيبى لبن اطفال خالى من الاكتوز ورضاعه للكيتن
ولو مش عندك رضاعه ممكن تجيبى علبه قطره وتفضيها وتغسليها كويس
وتحطى فيها اللبن يكون فاتر وترضعيها
وتقدرى تأكليها بيض مسلوق ، دجاج او لحم او جبنه مثلثات
بلاش التونه واللبن العادى بتاعنا لانهم هيسببو ليها اسهال
وممكن تضيفى على اللحوم خضار وكمان ممكن دراى فود وتحطيه شويه فى مايه او مرقه
عشان يطرى وتعرف تاكله
وجزاكى الله خير وان شاء الله تكون فى ميزان حسناتك واى استفسار اتفضلى
|