بسم الله والصلاة والسلام علي رسول الله صل الله عليه وسلم
انا هحكي حكيتي مع الكاسكو بتاعي الجديد وعايز نصيحة لاني اتشتت وسامحوني لو اطالت
انا اشتريت الكاسكو بتاعي يوم 3-3-2013 يعني من حوالي 11 يوم
هو عمره في حدود العشر شهور وحجمه جيد والحمد لله
انا علقت القفص بتاعه علي ارتفاع 2 متر تقريبا من الارض وحطيته في زاية الحيطه بحيث يكون وراة حائط وجانبة الايمن حائط و هو عندي في غرفة المعيشه يعني طول ما احنا قاعدين قاعدين معاه
انا اول يومين كنت بحطله الاكل واتكلم معاه شويه وهو علي الحيطة اليوم التالت سيبت الباب مفتوح وهو متعلق وقولت اشوف هيعمل ايه المهم هو خرج من القفص و وقف فوقيه رابع يوم نزلته علي الارض (القفص) وخرجته خرج وفضل وقف علي القفص يتحرك ويرفرف طبيعي وقعدت جانبة علي الكرسي اتكلم معاه واحاول امسح علي رجلة شوية يرضي وشوية يعض
وانا في الحقيقة مبهتمش بموضوع العض وبسيبه يعض خامس يوم كان جعان وبديت اديلة الاكل بايدي يخدة ويرمي اجيبه تاني يرمية وتالت مرة بياكل المهم بدات احاول اطبطب علي دماغه نفس ال كان بيعمله لما كنت بحاول في رجلة بعد كدة بقيت استخدم اسلوب اني امسكة ب الفوطة اول ما بحطها علية بيصرخ بس بعد ما امسكة بيسكت
ويهدا خالص ويسبني اطبطب علي دماغة عادي ولما احاول امسك رجله بيحاول يعض الفوطة عملت كدة لمدة 3 ايام كل يوم حاولي نص ساعة ولما بقيت بشيل الفوطة واحاول امسك رجله بيحاول يطير ويلف يمين وشمال فكنت بخاف علي رجلة واسيبة لاني بخاف تتكسر لانة كان بيشدها جامد جدااااا
بقيت بقعد جانبة في الارض وهو علي القفص يخليني اطبطب علي دماغة وبيبقي مبسوط جدااااا
وساعات هو ال بيوطي دماغه بس لو وقفت او قعدت علي كرسي بيحاول يعض ومبيردش يخليني اطبطب عليه بس من الاول وانا معودة اني المس منقارة عادي فبيخليني سواء قاعد او وقف
انا عارف ان الموضوع محتاج صبر بس ال محيرني استعمل انهي اسلوب
اسلوب المنشفة (الفوطة) ولا اسلوب الجلوس بجاورة والتقرب بهدوء
مع العلم ان البغبغاء يصفر وياعات في الصباح يقول كلام غير مفهوم ممكن يكون اتعلمه عند صاحبة قبل ما اشترية وهو غير محجل علي ما اعتقد ممكن يكون صيد
واسسسسسسسسف جداااااااااااااااااااااااااااااااااا علي الاطالة بس حبيت اشرح الموضوع كامل
وجزاكم الله كل خير :