|
رد: قطة بدون ام
اهلا بيك
طبعا القطه صغيره جدا
هكتبلك على حاجات ضرورى تاخد بالك منها وربنا يكتبها فى ميزان حسناتك
طبعا الرضاعه هتجيب لبن اطفال خالى من الاكتوز او لبن كيتن من محلات الحيوانات
وهتجيب رضاعه للقطط ولو متوفرتش عندك تقدر تجيب علبه قطره وتفضيها وتغسلها كويس
وترضعها بيها
الرضاعه بتكون كل 3 ساعات او لما تحس ان القطه جاعت وابتدت تنونو
طبعا ضرورى تخليها فى مكان دافى جدا بعيد عن اى تيار هوا
وبعد ما ترضعها بقطنه مبلوله مايه دافيه تمسح على منطقه الاخراج عشان تعمل بيبى
لانها مش هتعمل بيبى غير لما تعملها كدة
واى استفسار اتفضل
|