|
رد: مافي طريقه اخلي بها تربيت القطط اقل تكلفه
الجمال الصامت : تربية القط ليست مجرد تسلية 
يحتاج القط رعاية واهتمام ، وفعلا بيكلف فلوس
يحتاج قفص عشان لما توديه البيطري او اي مكان وسعره تقريبا 100 ريال
وتراب لقضاء الحاجة والكيس تقريبا قيمته 25 لو بتاخدي توماس 5 لتر ،ويكفيك حوالي شهر او اسبوعين حسب حجم البوكس اللي تحطيه فيه والدراي فود الكيس اللي ب30 يكفي شهر او اكثر اذا ح تأكليها اكل من البيت
وح تطعميها تقريبا كل سنة تقريبا 200 حسب العيادة اللي ح تروحيها
ولو مرضت ....طبعا حسب الحالة
وبعد فترة تبغا تتزوج ,وهذي المسألة بتخلي الام او الاب بالبيت يسهل لك البسة لأي مكان بعد اول فترة شبق تجيها زي ماحصل مع صاحبة بنتي وبستها اللي كانت أم بستي اعطوها لناس وقالوا للبنت انها ضاعت  عشان ما حبوا تسوي حركاتها لطلب التزاوج قدام العيال بالبيت
ولو مامتك مش موافقه عليها ح تخرجها اول ما تبدأ تخربش الأثاث بالبيت او تطيح شعرها بكل مكان
برضه انا على رأيي إن استئناس القط اللي بالشارع افضل من اقتناء قط بالبيت
وربنا يسهل لك
اما البيطري فبسهولة تحصلي عنوان واحة الحيوان او هابي بت بالرياض وربنا يسهل لك
ايو ا...كمان لو بتروحوا مكة او المدينة بفندق وما احد يجلس بالبيت يرعاها ح تحوسي وين توديها لأن الفنادق ما تستقبل حيوانات اليفة 
شكلي باجيب لك نوسا لما اطلع الرياض بعد اسبوعين تخليها عندك 5 ايام ،لأن الفندق طبعا ما ح يدخلها لي 
ربنا يسهل امورك وتختاري صح ..موفقة
|