[أمير البحر]

السلام عليكم

أنا عندي أسئلة وراح تجنني اذا ما عرفت جوابها....المهم ببدأ:

1-جت قطة عندنا وولدت في حوش البيت و جابت أربع كتين الأول مات وعمره 4 أسابيع والثانيه ضاعت

المهم ولما كان عمرهم 5 أشهر كان ينزل لعند حوش بيتنا قط ذكر لونه برتقالي يمكن عمره الحين 6-7

سنوات لما كان ينزل كان يضرب قطي وأخوه الثاني مايضربه واستمرت الحاله 3 أشهر يعني كان يضربه

وشوي بيقتله والمشكلة أخوه الثاني ما يضربه ولا يلمسه... بعدها أنا لما أشوفه بشارع أجي أخوفه و

ألحق وراه بعدها ما جه لمدة 4 أشهر وقبل 4 أسابيع نزل وتضارب مع قطي مضاربه قويه أنا على طول

خرجت وهو هرب وأشوف الأرض مليان شعر من قطي(نتفه)سؤالي:هو في قطط تحقد بعضها البعض؟(والمشكلة كان ينزل ما ياكل لايضربه ويروح)

2-ويوم الجمعة ألي فات في قطة في الشارع جتها احترار(الشبق) وتلم عليها ذكور الحي وكان واحد

منهم القط البرتقالي المهم قبل أمس القطة جت عندنا في الحوش وتلحق ورا قطي(عمره

سنةو4 أشهر) وقطي يبخ ويزمجر ما يبغاها وهي تلحق وين ما راح تجي قدامه تتمرغ في الأرض

وهو ولا معبرها هذا كان أمس وقبل أمس أما اليوم شفت قطي يلحقها من الفجر ويتزاوج منها....

سؤالي:ذحين ليه يتزاوج منها و أول ما يبغى؟(كان يبخ وينفش شعره اذا هي قربت منه)

3-قبل شهر أم قطي ولدت جنب بيتنا وجابت4 كيتن ذحين المشكلة جيت أشوف القطط الصغار

(عمرهم أسبوعين) المشكلة ألقى الأم عند الصغار والقط البرتقالي جنب الصغار نايم...

أنا أعرف أن القطة ماتخلي أحد يقرب من الصغار لا هذا نايم عندها وفوق هذا كله يضرب أولاد الأم

(يعني قطي) وينام عند أولادها الثانين..سؤالي:كيف ينام عند الصغار ويضرب قطي؟ وكيف الأم

موافقة أن يقعد عند الصغار؟

4- أنا سمعت أن القطط بس أتشوف لونين أبيض وأسود هل هذا الكلام صحيح؟

5- وكمان أمي تقول أن القطط تسبب تساقط الشعراذا لمستها وبعدين لمست شعري هل هذا

الكلام صحيح؟(قطي لا هومطعم ولا شي)

ومشكوريـــــــــــــــــــــــــــــــــــن مقدماً و اســـــــــــــــــــــف على الأطالـــــــــــــــــــــــة