[حلومه القمر]

المشاركة الأصلية كتبت بواسطة بببي

اولا عشان تربين قطه دوووم ينصحون انج تربين قطوه صغيره يعني يكون عمرها في الثلاث شهور او الاربع

المهم عادي لو تيبينها كبيره بس يحتاج وقت شوووي عشان تربينها وتدريبينها بطريقتج واسلوب معيشتج المهم

بالنسبه للاكل يتنوع

لو عندج قط صغير طبعا هناك اكل مخصص للصغار ..

يفضل تسوين جدول للوجبات اذا هي كبيره وجبتين رئيسيتين ووجبه اي وقت تعطينها القطوه وتكون خفيفه

وهناك وصفات كثيره للوجبات البيتيه واشتري الدراي فود واستخدميه كغذاء خفيف

وبالنسبه للتراب اشتري الكريستال لانه مايطلع ريحه ولازم تنظفينه باستمرار وتغيرينه بعد كل يومين اكثر شي


التطعميات تبدء من 3 شهور لعمر القط وبعدها يعطيج البيطري مواعيد بعد كل شهرين او ثلاث ويوم تصير عمر السنه تقل عدد التطعميات

الليتر بوكس لازم انتي تحملين القطه بعد كل وجبه وتحطينها بالليتر بوكس وتحاولين تحركين ايديها في الرمل

كحركة الحفر وهي بتعرف قصدج وخلال يومين بتتعلم

اما عن الحمام انج تعلمينها تروح الحمام هااي صعبه شوي لانه القطط تلتزم بالحمام فتره وبعددين تبطل

يسسلمو ، استفدت من ردك كثير .. وكتبتهم ب ورقه لجل مايفوتني ششيَ.
يسعدك ي رب ماقصرتي