[سكر]

السلام عليكم ورحمة الله وبركاته

لي فترة مهووس بشي اسمه صيد الصقور

ودي اتعلم الشغلة

وبعد ماجمعت معلومات وبحثت كثير قررت أمس اروح أبحث في الأماكن اللي اتوقع الاقي فيها حسب تحليلي للمعلومات اللي حصلت عليها

المهم اني لقيت صقر في المكان اللي رحت له وهو لايبعد عن بيتي الا مسافة نصف ساعة


واليوم قلت بروح وأتأكد,, وفعلا رحت ولقيته هناك وفيه عش ما ادري له او لغيره

وهذي صورته واعذروني المسافة بعيدة وماقدرت اخذ صور أفضل








سألت أحد المهتمين في هذا المجال وقال هذا شاهين أغلب الضن


طبعاً شكلي يضحك , لاعندي شبكة ولا حمامة ولا برقع ولا سبوق ولا أي شي من عدة الصيد, والظاهر ان الصقّارين ودهم يكفخوني الحين

مدري شكلي بحاول اقنع الصقر بالحوار يمكن ينزل عندي ويجي معاي البيت



وفوق كذا عمري ما صدت ولا دخلت هذا المجال لكن ناوي اروح يوم الخميس لسوق الخوبة واشتري من هناك عدة الصيد لأني ساكن حالياً بجازان

دعواتكم لي < متحمس