[عبووود أبو عيون سووود]

أتركهم على راحتهم ولا تزعجهم بكثرة المراقبة و الإقتراب من القفص أو فتح البياضة
الموضوع بسيط و لا تشيل هم ، لا تجيب فيتامينات ولا تلكف على نفسك
أنا قبلك خمس أشهر متتالية و أنا أنتظر أول بيضة ، و الحمدلله جات العواقب سليمة
أهم شي تترك الجوز في مكان هادئ هادئ هادئ جدا ً بعيدا ً عن التطفل و إزعاج الأطفال و خصوصا ً في أول بطن
المهم لاتغير مكان القفص الحين أبدا ً أبدا ً أبدا ً لأنهم تأقلمو على المكان اللي هم فيه الحين
و بعد البطن الثاني إن شاء الله يكون الجوز أخذ عالوضع و البيت عندك و تقدر تغير مكان القفص إذا حبيت ( مع إني ما أفضل التغيير المستمر لمكان القفص )
المهم إنت تسأل الحين عن كيف تعرف إن الجوز حط البيض أو لسه
لمن يحط البيض بإذن الله راح تلاحظ إختفاء تام للجوز داخل البياضة طيلة اليوم
أو إختفاء تام للأنثى فقط
وما يخرجو إلا للأكل أو الشرب أو لقضاء الحاجة ( التبرز ) أكرمك الله و أكرم القارئين جميعا ً
في هالفترة تحديدا ً لا تنظف القفص كثير ( يعني مرة وحدة بالأسبوع كفاية جدا ً )
و غير لهم الأكل و الشرب مرة وحدة باليوم بس مو أكثر ( أقصد لا تقلق و تقول عشانهم بايضين الحين يمكن يحتاجو أكل أكثر من أول )
إذا باضو بإذن الله و تأكدت إنهم باضو إفتح البياضة بعد مرور 7 أيام من وقت تخمينك لوضعهم أول بيضة عشان تعرف عدد البيض ( مع إنه موشرط يكون إكتمل البيض ، ممكن يكون لسه في بطن الأنثى بيض )
و بعدها من رأيي إنك ما تفتح البياضة أبداً إلا لمن تسمع صوت الفروخ
و مبروك مقدما ً يا أخي العزيز
ملاحظة بسيطة : إعذرني على كثرة البربرة و القرقرة بس أنا لمن كنت في نفس وضعك كنت أتمنى إني أحد يعطيني وجه و يعلمني كيف أتعامل مع الجوز اللي عندي !!