[أبومنيرة]

جربت تربية الكاسكو وتربية اليلوناب دبل هيد

الكاسكو ( سعره معقول وفي المتناول اشتريته ب 2200 ريال عمره سنه وجلس عندي 7 سنوات)

مافيه ازعاج ومسلي جدا خصوصا لاقفته على كل شي يشوفه بالبيت
بس عيبه بودره بيضاء تطلع من جسمه اذا مسكته وهذا طبيعي عشان لونه هو يخرج البودره عشان يحافظ على ريشه وعلى للونه
ويتكلم تمام وواضح ( حسب الطير )

يلوناب دبل هيد ( سعره عالي بس يستاهل اشتريته ب 9500 ريال عمره 5 شهور له معي الان اسبوعين )
مزعج جدا ( صراخ مثل النسوان ) بس انيق ومرتب وعضته ارحم من الكاسكو بمليون مره
الكلام توه جديد اخذته وهو يلخبط في الف الصلاة ويزغرط ويقول بابا وبوسه بوسه وعندي صار يقول تعال تعال واليوم بالذات قال اسم بنتي الصغيره بس ملخبط ( اشوف تعلمه اسرع من الكاسكو في الكلام ) واكيد يختلف من طير لطير
اول من ازعاجه وصراخه قلت ببيعه ازعج الجيران ولكن الحين ما اقدر افرط فيه
بجد حبيته وصار جزء من الاسرة وصرت انطرب على صراخه ولاحظت الفرق بينه وبين الكاسكو بعد ما اقتنيته واخذ وقت عندي


في الاخير هي رغبة وتفضيل من الهاوي ولكن عني شخصيا اليلوناب افضل مليون مره من الكاسكو