[هادي الحياه]

المشاركة الأصلية كتبت بواسطة قاهر الايام

يشرفني اني ارد على موضوعك اخوي سكر

وراح اقول لكم تجاربي

طبعا صار عندي اكثر من طير بس اغلبهم ما طولو معاي الا اثنين فراح اذكر لكم واقف هالطيرين

اولا اشتريت طير افريقي غير ممحجل وكان يجعر ويخاف من الاشخاص الغريبه فقط ومع صاحبه كان هادئ وانا شفت هالشي بعيوني يكون هادئ مجرد انه يشوفني يجعر وكان تبرير صاحبه لخوفه كما ذكر لان احد الاطفال قام بنتف ذيل الطير مما سبب له خوف وفعلا اول ما اخذته كان بدون ذيل

المهم الطير بقى عندي تقريبا اكثر من سنه ونص وانا اللي اقوم بكل اموره من تنضيف وتبديل ماي واكل وانا الوحيد اللي كنت اشيله واطلعه لكنه كان ناكر للجميل كان ما يحبني وطول هالفتره كان يخاف مني ولا ادري ليش على عكس مع البيت يكون كلش عادي خصوصا مع اختي الكبيره مع انها ما تسوي له شي وصار لي موقف مره لدرجة اني حسيت بالقهر

جيناه انا واختي واخذت حبة فول سوداني وكان يعشقه بجنون عطيته اياها رماها وما اخذها مني اخذتها اختي عطته اياها اكلها عادي مع اني كنت مهتم فيه ولا اصرخ عليه ولا ارعبه في اي شي مع الايام الطير تكلم عادي يتكلم قدام كل افراد البيت الا انا اذا يكون يتكلم وادخل يسكت وقدام البيت عادي ما كأنه احد موجود

عذراً حبيبنا على الاقتباس, لكن فعلاً نفس المشكلة مع ببغائي الاول بالضبط
كأنك تتكلم عني يارجل
اشتريته افريقي متوحش غير محجل
والى الان تقريباً مضى مايقارب الـ 7 شهور !

انا انصدمت جداً وماقدرت افسر هالشيء, اتمنى من حبيبنا سكر
او معلمينا اصحاب الخبرة, تفسير هالشيء ولو مواساتي على الاقل
طبعاً الكلام والتلقين مني ماعنده فيه مشكلة !
كذلك الترويض على الطلوع على الذراع اما اليد عنده خوف غير طبيعي
في الطلوع عليها
كذلك روضته على المسح على الظهر

ومايهتم فيه الا انا في تغيير الاكل والمويه وتنظيف القفص والاستاند كل الفترة هذي
لكن ارجع للحقيقة المرة
في انه يكرهني! كذا فسرتها !

*قلبتها رواية رومانسية

بالتوفيق لكم جميعاً حبايبي