[شاهستا]

وعليكم السلام ورحمه الله

اهلا بيكى

طبعا اول حاجه جزاكى الله خير وربنا يجزاكى خير يارب على تبنيكى القط الكتكوت دة

وان شاء الله يكون فى ميزان حسناتك يارب وماشاء الله بجد القط عسول وكيوت اوى

مش هيحتاج منك رعايه كبيره كل الى هتحتاجيه دلوقتى فوطه وبلليها مايه دافيه وامسحى على جسم القطه

عشان الاتربه وكدة تروح عقبال مايثق فيكى وتقدرى تحميه

وحركاته معاكى دى كلها حب يعنى هو كدة بيحبك جدا واتعلق بيكى وبيشكرك على اهتمامك بيه ^^

التونه متكتريش منها ولا اللبن عشان هو لسه صغير

تقدرى تاكليه بيض مسلوق و دجاج مسلوق ولحم مسلوق ومعاهم خضار

وكمان تقدرى تاكليه جبنه مثلثات وتقدرى تشربيه لبن قليل الدسم وياكل زبادى وسمك مسلوق او مشوى

والممنوعات فى الاكل الملح والسكر والطماطم والتوابل والتوم والبصل

ودراى فود خاص بالكيتن وطبعا المايه لازم تكون قدامه على طول

بالنسبه للتواليت او الليتر بوكس

هتجيبى ليتر بوكس او طبق بلاستك الى متوفر عندك وتحطى فيه رمل خاص بالقطط

وتاخدى القط وتمسكى ايديه الاماميه وكانك بتعملى حفره فى الرمل وهو هيفهم على طول ان شاء الله

ولو عندك صيدليه بيطريه قريبه منك او محل حيوانات خاتى منه ريفوليشن خاص بالكيتن

واتبعى التعليمات الى عليها الريفوليشن دة عشان لو فيه حشرات او تمنع انه يجيله حشرات

اتمنالك التوفيق وجزاكى الله خير واى سؤال لا تترددى