[|:شوكولا:|]

السلام عليكم ورحمة الله وبركاته

من اسبوعين بدأ الكاسكو يحك أنفه بظفره...وقبل 4 أيام اصبح صوت التنفس مسموع وكأنه يعاني من صعوبة بالتنفس. الصوت يشبه البني آدم لما يزكم...
لاحظت انه ما يبدي تفاعل او يصفر ويتحرك بالقفص او يرقص أجنحته...وأنفه من زود الحك تغير شكل احدى الفتحتين...عينه اليسار يغمضها اغلب الوقت وراسه محني لليمين يعني يناظرنا بعين وحدة وادا سمع صوت مفاجئ يادوب يناظر بعينه ويرجع يسكرها..زاد عنده الخمول كأنه يبغى ينام على طول..

جربت اغير مكان القفص لغرفة جيدة التهوية والحرارة فيها معتدلة مثل جو الربيع ..>>مراقبة سرعة التنفس ووضع الأجنحة...والحمدلله بدأ يتنشط ويصفر لكن الأعراض السابقة لازالت موجودة [حكة بالأنف و تغير شكل الفتحة,خمول,عين مغمضة مع انتفاخ بسيط,الراس محني للجنب اليمين,صوت التنفس مسموع خصوصا ادا خاف كأن الأنف مسدود]

من ناحية الأكل لازال ياكل ويشرب طبيعي والبراز ما تغير..وما يتقبل غير الماي والحب الشمسي

ايش المشكلة ..وما نوع العلاج اللي ممكن اعطيه اياه سواء كان اعشاب او مضادات طبيعية محضرة بالمنزل او غيرها

عذرا على الإطالة ....وهذي بعض الصور اللي توضح الأنف والعين والرأس








ولكم جزيل الشكر