|
رد: اريد رايكم بعد ان قررت
أخي أنا مبتدئ مثلك لكن أبنقل لك تجربتي في الترويض
شريت افريقي غير مروض ويجعر
قريت مواضيع عن التدريب والفوطة والمسح على الرأس وغيره
طبقتها على طيري بعد اسبوع من شرائي له
تعبت وطيري تعب ولم الحظ أي فائدة وكسبت من الجروح الشيء الكثير بسبب العض
آخر شي طفشت وفكرت أبيع الطير ... خليته وتركته كأنه غير موجود بالبيت فقط أغير الماء والأكل وأنظف القفص
تدريجيا الطير بدأ بالهدوء وبدأ يصفر ويلعب
بعد شهرين تقريبا قلت خل أحاول أروضه من جديد
والمفاجأة مجرد مامديت له يدي سمح لي أمسح رأسه وأمسح جسمه بدون فوطه وبدون ترويض وبدون أي شي
وأصبح الآن مثل الحمامه وبدأ بالكلام
فنصيحتي خذ طير حتى ولو غير مروض واتركه على الاقل شهر فقط تغير له الأكل والماء وتنظف القفص
الخلاصة الترويض سهل ويحتاج فقط شيئين:
أولا : الطير يكون فرخ
ثانيا: الصبر الصبر الصبر وعدم الاستعجال
|