[بائع الهامستر]

اكيد الهامستر يعض اذا كان جديد

يبي له فتره عشان يتعود عليك ويكون اليف معك

واحسن طريقة تخلي الهامستر اليف ، هي وقت الاكل

الافضل انك تعطيه الاكل بيدك فتره اسبوع مثلا

وبعد اسبوع تبدا تلمسه شوي شوي بس ما يكون خايف منك

اذا حسيت انه خايف لا تلمسه

وبعدها بكم تقدر تمسكه وتشيله وبعدين خلاص يكون تعود عليك

افضل شي لتسلية الهامستر هي العجله

لازم تكون العجله متوفره في قفص الهامستر

وبالنسبه للاكل ، فيه الاكل الجاف المنوع الجاهز في محلات الحيوانات

اضافه لبعض الخضروات مثل الخس والخيار والجزر وغيرها

لكن الخضروات ينصح فيها مرتين او ثلاث بالاسبوع

وباقي الايام يكون من الاكل الجاف

ومن احب الاكلات للهامستر ، هو حب الشمس

ومبروك عليك الهامستر الجديد