السلام عليكم ورحمة الله وبركاته
لو سمحتم اوشة بتولد من بعد العصر
دى تانى مرة تلد فيها
اول مرة جابت قطتين
المرة دى جابت ثلاثة وبحسس على بطنها حاسة ان فيه قطة تانية بتلعب فى بطنها لكن من بعد المغرب مش ولدت
ده متهيالى ولا فيها فعلا وممكن تتاخر فى ولادتها
هى ولدت تحت المكتب فى اوضتى والجو حر
ماما صممت اطلع الكرتونة من تحت المكتب واحطها فى مكان حلو شوية عشان مش يكون حر عليها
اخدت واحدة من عيالها وحطتها تحت المكتب
فنقلناها تانى تحت المكتب
هل ده ممكن يكون مخليها مش راضية تلد الرابعة ولا ايه
بالله عليكم طمنونى قلقانة عليها قوى
هى دلوقت نايمة وبترضع عيالها