[عبود العتيبي]

السلآم عليكم و رحمة الله و بركاته

كما تعرفون أن الأرانب تحب الحفر وتحب تحط عيالهن في حفره عميقه وهذا يوأدي إلى تكون حفر في كل مكان في البيت أو في العزبه أو المزرعه وأيضا تكون الأمساك بها صعب عشان يوم تريد تمسكهن يدخلن في الحفر. الفكره هي وضع لهن طابوق كشكل حفره مستطيله الشكل ويكون من فوق مفتوح عشان تقدر تتابع نمو عيالهن. أحسن أوضحلكم مع الصور:-

أول شي تسوون لهن الحفر من الطابوق و من الداخل تسوون أسمن شوي عشان مايحفرن ويكون تقريباً مقاس طابوقه في العرض و طابوقتين في الطول:-





- تسوون بيب في مقدمة الطابوق وهو عباره عن بيب المجاري البرتقالي:-



- وبالنسبه للمنطقه المحيطه بالغرف تقدرون تحطون صبيه أسمنت خفيفه أو سبس أو شبك ثم توضعون فوقه تراب وبيكون كشكل التالي:-



- يوم تبون تعرفون هل الأرانب ولدن بتكون الحفره مسكره كشكل التالي:-



- شورايكم أدخلكم شوي تشوفون الصغار:-







- وهذه الأمهات مرتاحات من دون أقفاص صغيره.





و آلسسسسلام عليكم و رحمة الله و بركاته