عرض مشاركة واحدة
قديم 12-08-2012, 05:34 PM   #5
kiri*katy
هاوي فعال
 
الصورة الرمزية kiri*katy







رد: ' تكفون ' اذن قطتي صديد ودم وتماوي بصوت عالي !!

وهنا تجارب بنت على قطاوتها فادتني وحبيت افيددكك

أول حاله كانت قطوه عندي جبتها وعمرها أربع أشهر تقريبا وكانت ما شاء الله مجنونة لعب نشيطه جدا بعد تقريبا 4 أو 5 أيام لاحظت في شي ينزل من أذانها على بره مويه سودا
شفتها في الليل ثاني يوم القطوه جالسه في مكانها ما تتحرك وخامله وما تقوم لا للأكل ولا لصندوق الرمل أكرمكم الله جلست يمكن 3 أيام على هذه الحاله ما تتحرك ولا تأكل أبدا طبعا أنا خلال هذه المدة خفت عليها فصرت أأكلها ببرواز الإبرة بالغصب أعطيها زبادي مع عسل وحليب وجبت لها سريلاك أطفال وجبت لها من الصيدلية محلول الجفاف طبعا هذا قبل ما أعرف هذا المنتدى الرائع
ومع أنها كانت مريضه مره إلا أنها كانت تقاوم مقاومه عجيبه يديني صارت كلها مخوش منها وصرت ألبس قفازات لما أجي أأكلها وطبعا خلال هذا الوقت كنا نبحث عن بيطري ونسأل وفي الأخير لقينا رقم صيدليه بيطريه فاتصلت عليهم ورد علي واحد وقلتله على الحاله وقال جيبوها أشوفها لما وديناها له طبعا شكله بيطري أغنام وأبقار ما يعرف للقطط حتى ما يعرف يكشف عليها مسكها من رقبتها من فوق وأول ما تحركت رماها وشكله ما يبغى يلمسها
المهم إحنا سألناه أنت تعرف للقطط عالجت قبل كذا وإلا لأ فقال ما احنا بنجتهد مافي حل ثاني لأنها حتموت طبعا استسلمنا وقلنا مافي الا أننا نجرب قال هي عندها حراره وأعطاها أبره للحراره وأبره مضاد وأعطانا إبرتين نعطيها لها في البيت لمدة يومين وقال بعد نصف ساعه ان شاء الله حتبدأ تتحرك وتتحسن طبعا لما رحنا البيت ما كان في أي تحسن وأخذت الابره الثانيه والثالثه والحال على ما هو عليه حتى القطوه صارت حالتها جدا متدهوره صار اللي حوالين عيونها وخشمها وفمها أسود مع انها بيضا وراسها في الأرض ما تقدر ترفعه وصارت جلد على عظم وكنت ما زلت أأكلها بالغصب
وبعدين بحثت في النت عن أمراض القطط ولقيت هذا المنتدى الرائع ولقيت كثير يمدحون قطره أسمها ديرماتين للحالات المشابهه وحاولت أنه يكون شي في الصيدليه البشريه لان البيطريه اللي عندنا ما فيها شي للقطط وطبعا جبت القطره وأنا في داخل نفسي كنت يائسه تماما لأن القطوه وقتها كانت تعتبر شبه ميته
المهم صرت أقطر لها 3 مرات في اليوم وبعدها بفتره أنظف الاذن زي ما قريت لما جيت أنظف الأذن كانت الأذن في حاله مريعه كانت كلها سواد من جوه وبتنزل صديد الغريب أنه هذا كله حصل في أيام معدوده يعني خلال 3 أو 4 أيام تطورت الحاله بسرعه بس أنا لما أخذتها ما شفت أذنها وكان هذا غلط مني
لما كنت أقطر في أذنها بعد فتره كانت تهز أذنها وكان يطلع منها قطع سوداء رخوه تتطايرمن أذنها والله حزنت عليها قلت كل هذا في أذنها ومو باين
لكن الشي العجيب أنه من ثاني يوم من بديت أقطر في أذنها بدئت القطوه تتحرك سبحان الله وكانت أول مره لما شمت ريحة الأكل وحنا بناكل وجت جمبنا أنا فرحت مره ورحت حطيت لها أكل بس ما أكلته شمته ورجعت مكانها والحمد لله بدأت بعد كذا التحسن تدريجيا
لكن أول ما بدأت تأكل كانت مش قادره تعض على الأكل يمكن عشان من زمان ما أكلت كله كان أشياء سائله وكمان يمكن كانت لثتها ملتهبه من كثر الأكل بالأبره المهم أنها بعد كذا الحمد لله أتحسنت وشفيت تماما لكن صار عندها مشكله في التوازن يعني لما تمشي تميل على الجوانب شويه كمان لما تجري وتبغى توقف توصل رجولها وذيلها قبل راسها يعني ما تسيطر على نفسها كويس يمكن عشان الأذن هي مركز التوازن في الجسم فلما صارت فيها مشكله أتأثر التوازن وهذي صورة القطره






الحاله الثانيه كانت لقطوه ثانيه عندي طبعا بعد المشكله الأولى صار عندي رعب من شي اسمه أذن فصرت دايم أشيك عليها فلاحظت في القطوه بداية سواد في أذنها وكانت تحكها
طبعا أول شي فكرت فيه هو قطرة الديرماتين فصرت أقطر لها وأنظف أذنها وأستمريت كم يوم وشفت أنه ما فيه فايده رجعت قريت في المنتدى لقيت كثير يمدحوا ماء الأكسجين فرحت جبته وصرت أنظف فيه وبرضه المشكله موجوده كل يوم أنظف وارجع ثاني يوم ما كأني سويت شي المهم وقتها صادف أني سافرت لمدينه ثانيه وأخذت قطوتي معي وكان أول شي أسويه أوديها للبيطري فكشف عليها وقالي هذا واكس يعني شمع ويكون معاه دايم شوية فطريات وقالي لازم أنظف الأذن بعمق وما أخاف ونظفها هو بمقص ملفوف عليه قطنه بس كان تنظيفه مخيف لأنه كان حيخرم الأذن من كثر ما حفر فيها وأعطاني مرهم وقالي أنظف الأذن كل يوم وأحط من هذا المرهم الغريب أنه المرهم هذا أنا أعرف أنه للعيون مش للأذن لكن الدكتور يقول أنه جربناه للأذن وطلع ممتاز وهذي صورة المرهم





استخدمته لمدة 5 أيام بس والحمد لله صارت الأذن نظيفه مره
وكمان وقتها كانت قطوتي تعاني من مشكله في العين كانت وحده من عيونها دايم مقفلتها وتدمع كثير جربت لها الشاي وكان بس يهدي العين ما يعالجها وبعدين لقيتهم يمدحوا قطرة البرايزولين فصرت أستخدمها لها ولما رحت للبيطري كان لي 4 أيام استخدمها لها وسألته عنها وقالي كويسه استمري عليها كمان يومين والحمد لله صارت العين كويسه وهذي صورة القطره






الحاله الثالثه كانت لقطو عندي لاحظت قبل فتره أنه يحك أذنه كثير ولاحظت بداية سواد فيها جربت المرهم السابق ما جاب نتيجة وبعدين جربت ماء الأكسجين برضه ما جاب نتيجه واحترت بعدين استخدمت محلول منظف للأذن كان قالي عليه البيطري استخدمه لما أنظف الأذن نظفت فيه كم مره والحمد لله الحين الأذن كويسه
وهذي صورة المحلول واعتقد أنه منظف ومطهر بس



__________________

...........................................


لمحبين الصور المتحركه (قطتي كاتي)
kiri*katy غير متصل