[دلوعةقطوتي]

المشاركة الأصلية كتبت بواسطة بسبس مياو

السلام عليكم...
امس قطوتي مدري وش صارلها...غافلتنا ونزلت تحت و طلعت كلها رماد ولونها اسود
اتوقع انها قلبت المبخر ويمكن اكلت من الرماد اللي فيه ( لانها دايم تغافلنا وتاكله)
المهم قامت اختي وجابت فوطة مبلوله ونظفتها ..لحد هنا اوكي وكان الوضع طبيعي
هالكلام المغرب...والصباح الساعة 10 انقلب حالها قامت تستفرغ كل اللي اكلته الصباح
والظهر استفرغت رغم ان بطنها فاظية وكان مثل رغوة الصابون وشوي
وصارت كسولة وخاملة وماتتحرك بس منسدحة
اتصلت على دكتور واثقة فيه بس للأسف بالرياض وقاللي اعطيها محلول جفاف ودوا اسمه اوقمنتين
ثلاث مرات باليوم بس محد جابه لي...واول ما اذن المغرب اكلت تمره وطلعت مع اخوي للعياده البيطرية ...قاس حرارتها وقال انها 39 ونص مع انها ماكانت ساخنه بس شكلها حرارة داخلية
المهم اعطاها 3 ابر مضاد حيوي ثنتين بالرقبة من الخلف والثالثة في فخذها
سألته ما اشتري لها دوا قال لا مافي داعي
رجعت البيت وكلمت الدكتور اللي بالرياض قال ما اقدر افيدك انا ماشفت القطوة بس لو انك مشتريه الدوا كان كفاها بدل الإبر...وقال لي انا اشوف انك تشتري الدوا وتعطيها كمان لان الابر ماتكفي
المهم القطوة من الصبح ماتدري عن عيالها(هي ترضع) انا واختي رضعناهم
بس بعد مارجعنا من البيطري دخلت عندهم ورضعتهم..مدري اذا خطر عليهم؟
وهل معناة انها رضعتهم يعني الحمدلله بدت تخف؟
الحين ابي رأيكم لا تبخلوا علي ارجوكم وبالذات شاهستا ....قولولي وش اسوي الحين
اجيب الدوا ولا لاء؟
الدكتور قال لي جيبيها الصباح اشوفها

وعليكم السلامو رحمه الله وبركاته
اجمنتين مضاد بشري قوي ماينفع للقطوه الحامل او المرضع
اعطيها بيتاموكس امن لها
ومو كويس كثرت الابر انتبهي
اول شي استودعيها الله واعطيها بيتاموكس وكمديها بمنشفه مبلوله بمويه فاتره ومعصوره كمدي بطنها واطرافها
اكليها زبادي مع شويه عسل مو كثير الزبادي يطهر معدتها ربي يشفيها ويحفظها لك