|
الضيفه اللى عندنا بقالها اسبوع
الانثى الجديده اللى بقالها معانا اسبوع خلاص بقت من اهل البيت 
عدى اسبوع على شراها
وماشاء الله فى تقدم
وقفت النهارده على ايدى وكلت منها وفى توالف بنها وبين الذكر برغم فرق السن الكبير اللى بينهم (تقريبا 5 شهور )
عايزه الفت انتباهكم لطريقه من طرق الترويض
وهى الترويض بالقدوه
طبعا الذكر اللى عندى بقاله معاى 6 شهور ونص مروض وبيطلع برا القفص وبيفضل برا القفص من غير ما نبقى جمبه
يعنى الحمد لله الترويض بنسبه 90%
وهو متعود على فأنا اعتمدت طريقه الترويض بالقدوه مع الانثى وفى خلال اسبوع بس وقفت على ايدى وكلت منها
ودا انى انفذ كل حاجة انا عايزاها تعملها مع البادجى المدرب ودا طبعا بعد ماهى تتطمن للذكر بتاعها
يعنى كنت بدخل ايدى كتير للذكر ياكل منها وكنت بخليه يلعب معاى ويقف على ايدى
وهى طبعا طول الوقت واقفه تراقب بس
النهارده بقى الذكر وقف على ايدى وعضنى كتير جامد اوى
وهو مش بيعمل كدا خالص معاى
حسيت انه بيقول لها انا بعض اهو ومافيش اى حاجة
يعن الايد مش هاضرك
وفعلا بعد ما عض فى ايدى فتره نزلت كلت من ايدى وكأنها مروضه عادى جدا
اتمنى تكون وجهه نظرى وضحت عن الترويض بالقدوه وانها من اسرع الطرق فى الترويض
__________________
بونشو بنت ^______^
|