[راعي سيكو]

السلام عليكم ورحمة الله وبركاتة

شلونكم أخواني ؟؟؟؟

عندي كاسكو عمره ثمانيه شهور

من يوم خذته واموره طيبه

لكن مره وحده جاه الإسهال الابيض ... رحت العياده والطبيب سوا له تحليل

قالي فيه فايرس ودود .. عطاه دوا في الفم .. وعطاني ادويه قالي استخدمها مع السريلاك لانه ما ياكل

الحمد لله ثاني يوم وقف الإسهال علطول

لكن مشكلتي الحين ان الطير ما ياكل ابد ابد ... ماله نفس ونفسيته تعبانه

ولا يتكلم وهزيل جدا بسبب عدم الاكل ... يمشي كأنه شيبه

ما فيه قوه .. مادري شاسوي معاه موب راضي ياكل شي

كلمت الدكتور قالي عطه سيرلاك مع حبه ثوم صغيره وكم قطره ليمون

وقالي عطه عصير برتقال فرش بالابره

خذ السيرلاك والثوم ولاكن البرتقال قام يكح وطاح على الجنب كأنه اختنق .. بس الحمدلله قام

الحين اعطيه السيرلاك بالابره مع سكر .. لانه ماياكل ابد ولا يشرب ماي

الدكتور قالي جيبه اعطيه ابره

رايكم بالموضوع ابي الحق عليه قبل لا يموت

فزعتكم يا أهل الخبره ... انا توني مبتدأ تقريباً

بإنتظاركم