[نوديوس]

بس كان عندى حاجة مضايقانى، هو من فترة أسبوعين كانت كيتن بتاعتى تعبانة و لما وديتها للدكتور قاللى إنتى بتأكليها إيه و أول ما قلتله إنها بتاكل مياو ميكس كيتن ، قاللى بلاش أنا جاللى أكتر من حالة إسهال لقطط بتاكله، طبعا أنا بتكلم عن اللى بيتباع فى مصر مش عن المياو ميكس عموما
بس حاولت أدور على النت لقيت ناس فى بلاد تانية بتشتكى منه قلت معلهش دا كان يدوبك نص كيلو و مش هجيبه تانى،
المهم إمبارح كنت باالليل أكلتهم منه مرة تانية، قمت الصبح لقيت واحدة فيهم رافضة تاكل و عندها خمول فظيييع مش طبيعى خالص، و ما رضيتش تاكل غير لما حطيتلها منه حبة صغيرين و نامت تانى
المهم كلمت دكتورة تانية، و بمجرد ما عرفت إنى بديلهم منه قالتلى بلاش عشان بقالى قترة بيجيلى العيادة قطط عندها نزلات معوية و بتاكل مياو ميكس ، و هى حتى قالتلى إن ممكن يكون الموجود فى السوق حصله سوء تخزين
المهم أنا أصلا كنت إشتريته من سوبر ماركت كبير يعنى مكان موثوق فيه
فواضح إن المشكلة فى الشحنة نفسها اللى فى مصر، بس عموما اللى شفته و أنا بجيب معلومات عنه مش كويس فقلت أقولكم
و ربنا يستر على قططنا جميعا، و اللى يحب يتأكد يعمل بحث عن Meow Mix Reviewsو الموضوع مش محتاج أكتر من ترجمة لفهمه