[ميزنوا]

شوفي اختي زي ماقالو الاعضاء هذي العمليه خطيره و مو اي احد يقدر يسويها وتنجح

انا سويت لقطوتي عمليه تعقيم (لكن البيطريه ماشالت رحمها شالت البويضات فقط ) وبالعكس انا عن نفسي

حسيت انو قطوتي نفسيتها تحسنت بعد العمليه لانو الحمل والولاده بيتعبو القطط يعني يبغالهم عنايه (من وجهة نظري) اول ماجتني كان عمرها 11 شهر وكانت تطلب التزاوج وانا ماكنت اقدر اجيب لها قطو ومره كان البيت متوتر

لدرجة اني ندمت اجيبها و وترتني وقطعت قلبي

انا ما انصحك في العمليه إذا بتسوينها عند اي دكتور (لانو العمليه سعرها غالي والبيطريين يستغلون القطط بهالعمليه عشان يكسبوون وبانهايه قططنا تروح فيها

يعني لازم دكتور خبير مررره

ومن ناحية حكمه ( مو حرام) قريت عن فتوى وبرضوا بالتخصيص القط الذكر انو مو حرام لانو القط مو زي الانسان احنا ربي طلب مننا انو ننجب عشان الامه الاسلاميه تتكاثر ونكون قوه وننتصر على اعدائنا في الحروب

لكن القطط والحيوانات مو عاقله وتكاثرها ماراح يفيدنا بشيء ولا راح يطورنا لكن طبعا لو وديتيها عند اي بيطري مايجوز لانو اذا صار فيه شيء بعد العمليه وتغذب اكيد راح يكون حرام لانو حرام نعذب القط عشان مصلحتنا فلازم تروحين عند بيطري خبير لانو هذا من الرفق في الحيوان اللي وصانا فيه الله سبحانه والرسول صلى الله عليه وسلم

وبرضوا قريت فتوى انو بيع وشراء القطط حرام لكن التبني جائز (لانو الحين يبيعون الناس ويشترون القطط بأسعار باااااهضه والشرع حرمه لانو فيه اسراف (لقوله تعالى( وكلو ولا تسرفوا )

انا راح ارسل لك رقم دكتوره بيطريه سويت عمليه قطتي عندها وقطتي لها 6 شهور وماجاها اي شيء الحمدلله

وصحتها كويسه والدكتوره كبيره في السن وخبيره جدا

وسعر العمليه رمزي ومعقول لانها تشتغل بضمير مو عشان الفلوس

هيا بجمعيه في الرياض مسويتها هيا وصديقاتها اجنبيات زيها فاتحين جمعيه صغير يجمعون القطط اللي اصحابها مايبونها ويعتنون فيها وحتى قطط الشوارع وهم في الرياض راح ارسل رقمها عند في الخاص

معليش طولت في الحكي لكن حبيت اوضح لك الفكره صح لانو فيه كثار مايقدرون يجيبون قطط لقططهم عشان يتزوج اما ماديا او رفض الاهل وبالنهايه يملون منها ويرمونها لانو المحلات ماتشتري قطط كبيره في العمر

نففس قطوتي صار لها نفس كذا صاحبها لما كبرت وطلبت التزاوج مل منها مقال بيرميها وانا خذتها وسويت لها العمليه والحمدلله ارتحت وهيا ارتاحت ^.^