[نوديوس]

من واقع تجربتى:
لما نيجى نشترى قطة جديدة نخلى بالنا من الحاجات دى
1. ما يكونش عمرها أقل من 45 يوم بأى شكل لو شهرين يكون أفضل، من تجربتى فى الحالة دى بتكون مناعتها ضعيفة جدا و بتتعب بشكل فظيع(من إسهال لترجيع- سقوط شعر- إسهال متكرر)
2.يستحسن تعرضها على دكتور بيطرى قبل ما تشتريها عشان يتأكد إنها مافيهاش مشكلة و يتأكد من السن عشان الناس بتقول سن و بيطلع سن تانى عشان يبيعوا الكيتنز و يزوجوا الأم بسرعة عشان يلحقوا يبيعوا مجموعة تانية من الكيتنز
3. لو ما قدرتش توديها لدكتور يا ريت توديها فى أقرب فرصة، بس نتأكد إن الدكتور كويس عشان ما يبقاش زيارته بدون فائدة
4. التطعيم فى موعده يقى القطة من الأمراض( واحدة صاحبتى قررت تأجل التطعيم، القطة جالها فيروس جابلها مرض مزمن و بتتعالج طول عمرها)
5. الإستفادة من خبرات المشاركين فى المنتدى فى شؤوون الغذاء و العناية اليومية
6. يا ريت نخلى بالنا من عينيها ما يكونش فيها إفرازات كتير، أنا قطتى كان فيها كدة و عالجتها و بترجع تانى كل فترة