[محتارة]

المشاركة الأصلية كتبت بواسطة وليف العود

لا حول ولا قوة إلا بالله ..


والله الطير يحزن .. الله يشفيهـ ي رب


أنا ما أقدر أفيدك بشي أن شاء الله الأخوان يفيدونك ..


بس وديهـ لطبيب بيطري يكشف عليهـ ويسوي لهـ وصفهـ .. كل شسء ولهـ حل إن شا اللهـ ..


بأنتظار الأخوان أصحاب الخبرهـ .



تحياتي

حياك اخوي وليف .. لا مستحيل اوديه بيطري احس ان البيطري بس اسم دكتور والا هو ماينفع لشي

المشاركة الأصلية كتبت بواسطة بلاك بيري

اهلا بك اختي الفاضله رشي الطير بالماء وشمسيه يوميا

نظفي القفص يوميا ولو تخرجي الطير وتغسلي القفص بالديتول يكون ممتاز جدا

ادهني الطير بزيت الصبار يوميا

حاله طيرك ما تخوف لأنه راح يتحسن قريبا ان شاء الله

نوعي الغذاء للطير واعطيه فواكه وجزر وغيرها

تحياتي

حياك اخوي بلاك بيري ..

كل يوم ارشه بالماي ؟ ارشه او اروشه ؟
وأي وقت احطه بالشمس ؟ يعني الظهر او قريب العصر ؟

اذا طلعته برى القفص مايرجع بسرعه اتعب معاه لان مو اليف هو ويتم يصارخ :/

الاكل حقه حبوب متنوعه يعني ذره وقمح وشمسي يعني مكس هو ومعاه موز مجفف وفواكه بعد وشي مدور لونه اخضر وشي لونه برتقالي لكن مايكلهم ويحب الفول السوداني حيل بس احاول ما اعطيه كثير
بس هو صغير يعني عادي اعطيه خضروات ؟

يارب يتحسن لان والله كل من شافه يقول لحد الحين ريشه ماطلع وديه للمحل يشوفه
واللي يقولي بيعيه وانا مابي ابيعه

وزيت الصبار شنو نوعه ؟ وكيف استخدمه ؟

وقريت بموضوع خل وماي ينفع؟ وكيف استخدمه اذا ينفع ؟

المشاركة الأصلية كتبت بواسطة محمد بن فهد

افادك الاخ بلاك بيري مشاءالله عليه
فيه خلطة حبوب للاكل كويسة استخدميها اسمها ماكس

حياك اخوي محمد اي اعطيه هو فيه ذره وقمح وشمسي وفول سوداني وشي مدور لونه اخضر وشي لونه برتقالي وفواكه مجففه ( موز واظن انه تفاح بعد )
بس ماياكل الفواكه المجففه

الله يشفيه