[أمجـاد]

مرحبا يا أعضاء

أمس ودينا الكاسكو لمحل طيور الزينه لأنو عندهم أدويه ولآنو ما لقينا عياده لحد الحين

المهم صاحب المحل يقول خبرته في مجال الطيور 20 سنة (ما شاء الله تبارك الله ) ومن واقع

خبرته يقول الكاسكو ولله الحمد والمنه ما فيه إلا العافية بس يقول عنده إسهال ( الله يكرمكم )

ونتف ريش + قلش بنفس الوقت

طبعًا أنا خذت معاي الكام ووريته المقطع اللي حطيته هنا بالمنتدى وشافه يقول ما لاحظ أي مشكلة غير طبيعية

وسألته وش علآمات الكنكر ( مرض التجبن ) ؟؟؟

قالي :

1. تكون الرغوه البيضاء لها ريحه خايسه
2. يصير في زي الأوساخ متجمعه حولين منقار الكاسكو
3. الكاسكو ما يقدر يسكر فمه
4. قالي الحويصلة ما ادري وش يصير فيها اعتقد تنتفخ

والعلآمات الآخرى اللي تدل على المرض :
1. زياده سرعة تنفس الطائر مع وجود صوت مسموع
2. زيادة ضربات قلب الطائر
3. الريش نافش
4. الطير ما له خلق لشيء وما يأكل
5. هدوء الطائر
6. تغير قوام البراز ( الإسهال )

طبعًا هو عطاني 2 دواء واحد لعلاج الأسهال وبنفس الوقت الكنكر والثاني لعلاج الريش

هذي أقراص لعلاج الإسهال هو عطاني خمس حبات وللأسف ما اعرف اسمها وصورتها لكم وقالي استخدمها لمدة خمسة أيام مع تغيير الماي بشكل يومي

وهذي البودرة لعلاج تساقط الريش واستخدمها بعد الإقراص اللي فوق لمدة 10 أيام وبعدها مرتين في الأسبوع

وهذي صورة للكاسكو ( اذكروا الله يا جماعة الخير )

بالله أحد يقولي حوالين عيونه اللون طبيعي والله قمت أوسوس وأي احد من أهلي يقولي شيء خفت

حاليًا بديت معاه بأقراص الإسهال وبصراحة الكاسكو ما عنده إسهال إسهال بس انا اعطيته خيار

يوم الأربعاء والمعروف أن الخيار فيه نسبة كبيره من الماي واعتقد بسببه صار البراز الله يكرمكم

قوامه شبه مائي

بإنتظار أرائكم يا أعضاء لإني بصراحة احترت واعصابي متوتره